لیبیا کشتی حادثے میں جاں بحق چھ پاکستانیوں کی میتیں کل اسلام آباد پہنچائی جائیگی میتیوں کو ایمبولینس کے ذریعے پشاور اور پھر ہیلی کے ذریعے پاراچنار منتقل کیا جائے گا۔
میڈیا سے بات چیت میں ایم این اے حمید حسین اور ایم پی اے علی ہادی عرفانی نے کہا ہے کہ لیبیا کشتی کے افسوسناک حادثے میں جاں بحق پاکستانیوں کی میتیں پاکستان پہنچانے کے انتظامات مکمل ہوچکے ہیں۔ آج سات بجکر 25 منٹ پر قطر ائیر ویز کے فلائیٹ کے ذریعے اسلام آباد ائرپورٹ پہنچائے جائینگے۔
انھوں نے کہا کہ میتوں کو ایمبولینس کے ذریعے پشاور منتقل کیا جائے گا جس کے بعد انہیں ہیلی کے ذریعے پاراچنار منتقلی ہوگی۔
فلائٹ میں لائے جانے والی میتوں میں پاراچنار کے مصور حسین ، شعیب علی ، عابد حسین ، مصائب حسین اور ضلع اورکزئی سے تعلّق رکھنے والے محمد علی شاہ کی میتیں لائی جائیں گی۔
28 فروری کے فلائٹ میں پاراچنار کے حیدر ثقلین ، آصف علی، اشفاق حسین اور نصرت حسین شامل ہیں جبکہ باجوڑ کے سراج الدین اور پشاور کے انیس خان کی میت بھی 28 فروری کے فلائیٹ میں پاکستان لائی جائیگی۔
5 فروری کو لیبیا سے سمندر کے راستے اٹلی جانے والے کشتی کو حادثہ پیش آیا تھا جس میں 26 پاکستانی جاں بحق ہوگئے تھے جن میں 16 کی شناخت ہوگئی ہے جبکہ 10 تاحال لاپتہ ہے۔
