آسٹریلیا نے اپنی فوجی قیادت میں اہم اور تاریخی تبدیلی کرتے ہوئے ایک خاتون کو اپنا پہلا آرمی چیف مقرر کر دیا۔ لیفٹیننٹ جنرل سوسان کائل جولائی سے آسٹریلوی فوج کی کمان سنبھالیں گی ۔ وہ ملک کی 125 سالہ فوجی تاریخ میں اس عہدے پر فائز ہونے والی پہلی خاتون ہوں گی۔ حکومتی بیان کے مطابق سوسان کائل موجودہ آرمی چیف لیفٹیننٹ جنرل سائمن اسٹیورٹ کی جگہ لیں گی۔ وہ اس وقت چیف آف جوائنٹ کیپبلٹیز کے طور پر خدمات انجام دے رہی ہیں اور ایک طویل عرصے تک فوجی قیادت میں کلیدی کردار ادا کر رہی ہیں۔
