سپیشل فوڈ سیفٹی ٹیموں کا شہر میں کریک ڈائون’ 2 واٹر پلانٹ بند

لاہور(سٹی رپورٹر) وزیر اعلی پنجاب کے حکم پر خوراک کی مسلسل مانیٹرنگ جاری ہے، سپیشل فوڈ سیفٹی ٹیموں نے لاہور میں کریک ڈان کر کے 2واٹر پلانٹ بند بند کر دیے، تفصیلات کے مطابق 39 فوڈ پوائنٹس، یونٹس اور سپلائرز کی چیکنگ کے دوران 24 پوائنٹس 3لاکھ 90ہزار کے جرمانے عائد کیے گئے، 45ہزار کلو مرغیوں اور گوشت کی چیکنگ کر کے 2200 کلو مردہ گوشت تلف کر دی گئیں، بحریہ ٹان اور کالج روڈ پر واقع واٹر پلانٹس بند کیے گئے، پانی کا سیمپل فیل قرار پائے جانے پر کارروائی عمل میں لائی گئی،علی الصبح ناکہ بندی کر کے 13 گوشت بردار گاڑیوں کی چیکنگ کی گئی، فوڈ پوائنٹس میں صفائی کے ناقص انتظامات، حشرات کی بھرمار پائی گئی، ترجمان فوڈ اتھارٹی کے مطابق انتہائی لازم ریکارڈ اور ضروری دستاویزات عدم موجود پائی گئی، قوانین کے خلاف کھلی نالیاں، زنگ آلود مشینری اور گندے فرش پائے گئے، معیاری خوراک کی فراہمی اور ملاوٹ مافیا کی سرکوبی کے لیے کوشاں ہیں، پنجاب میں خوراک کا کاروبار کرنے کے لیے قوانین پر عملدرآمد ضروری ہے، عوام کی صحت کے ساتھ کھلواڑ کرنے والے عناصر کسی رعایت کے مستحق نہیں ہیں۔