لاہور ہائیکورٹ’ پراپرٹی ٹربیونل سے متعلق درخواست غیرضروری قرار دیتے مسترد

لاہور (کورٹ رپوٹر) چیف جسٹس لاہور ہائیکورٹ عالیہ نیلم نے پراپرٹی ٹربیونل سے متعلق درخواست غیر ضروری قرار دیتے ہوئے مسترد کر دی، عدالت نے قرار دیا کہ درخواست گزار کو عدالت سے رجوع کرنے کے بجائے متعلقہ ٹربیونل سے رجوع کرنا چاہئے تھا، دوران سماعت عدالت نے ریمارکس دیئے کہ تنازعات ازالہ کمیٹی غیر قانونی اقدامات کرتی رہی، غیر قانونی اقدامات کی وجہ سے ہی عدالت کو اپنا فیصلہ جاری کرنا پڑا، عدالتی فیصلے کے بعد تحفظِ جائیداد کا قانون بھی تبدیل ہوگیا، عدالت نے وکلا کو مخاطب کرتے ہوئے ریمارکس دیئے کہ وکلا قانون پڑھے بغیر درخواستیں دائر کرتے ہیں، وکلا کو قانون پڑھ کر متعلقہ فورم سے رجوع کرنا ہوگا۔