لاہور(خبریںڈیجیٹل)پاکستانی اداکارہ اقرا عزیز نے ساتھی اداکارہ صبا قمر کی جانب سے اپنی اداکاری کی تعریف پر محبت بھرے پیغام میں ان کا شکریہ ادا کرتے ہوئے انہیں ملک کی بہترین اداکاراں میں سے ایک قرار دیا ہے۔اقرا عزیز نے اتوار کو انسٹاگرام اسٹوری پر اپنے جذبات کا اظہار کیا، جس کے بعد صبا قمر کی جانب سے ان کی اداکاری کی تعریف پر مبنی ویڈیو کلپ بھی سوشل میڈیا پر وائرل ہوگئی۔اقرا عزیز نے صبا قمر کو مخاطب کرتے ہوئے لکھا کہ آپ کو واقعی اندازہ نہیں کہ آپ کے الفاظ میرے لیے کتنی اہمیت رکھتے ہیں۔ آپ ان بہترین اداکاراں میں سے ہیں جنہیں اس ملک نے دیکھنے کا اعزاز حاصل کیا ہے اور میں نے طویل عرصے سے آپ کو سراہا ہے۔انہوں نے مزید کہا میں نے فلم ہندی میڈیم جتنی بار دیکھی ہے، اس کا شمار بھی نہیں کرسکتی اور آپ کو دیکھ کر بہت کچھ سیکھا ہے۔ اس لیے آپ کی جانب سے یہ الفاظ سننا میرے لیے انتہائی خاص اور کسی خواب جیسا محسوس ہوتا ہے۔ میں خود کو بہت خوش قسمت سمجھتی ہوں۔ بہت بہت شکریہ۔یہ محبت بھرا تبادلہ اس وقت شروع ہوا جب صبا قمر نے جمعے کو لندن میں منعقدہ ایک ملاقات کی تقریب میں شرکت کی۔ تقریب کے میزبان اظفر رحمان نے معمہ کی اداکارہ سے سوال کیا کہ اگر ان کی زندگی پر فلم بنائی جائے تو وہ کس نوجوان اداکارہ کو اپنا کردار ادا کرتے دیکھنا چاہیں گی۔اس سوال کے جواب میں صبا قمر نے اقرا عزیز کا نام لیتے ہوئے کہا کہ مجھے اقرا عزیز بہت پسند ہیں۔ وہ ایک بہترین اداکارہ ہیں۔ ان کا کام دیکھیے، ان میں ایک خاص قسم کی آگ ہے، جس کی ہم بات کر رہے ہیں۔صبا قمر کے ان الفاظ پر اقرا عزیز نے عوامی سطح پر ان کی تعریف کا جواب محبت اور احترام سے دیا۔ دونوں اداکاراں کے درمیان ہونے والی اس گفتگو کو سوشل میڈیا صارفین کی جانب سے بھی سراہا جا رہا ہے۔یہ تبادلہ شوبز انڈسٹری میں ایک دوسرے کے کام کو تسلیم کرنے اور کھل کر حوصلہ افزائی کرنے کی اہمیت کو اجاگر کرتا ہے، جہاں خاص طور پر خواتین فنکارائیں ساتھی اداکاراں کی صلاحیتوں اور کامیابیوں کا کھلے عام اعتراف کرتی نظر آ رہی ہیں۔
