ملک بھر کے منتخب 115اضلاع میں قومی انسدادِ پولیو مہم کا آغاز

لاہور (جنرل رپورٹر) ملک بھر کے منتخب115 اضلاع میں ذیلی قومی انسدادِ پولیو مہم کا آغاز ہوگیا۔ نیشنل ای او سی کے مطابق پانچ سال سے کم عمر3 کروڑ10 لاکھ سے زائد بچوں کو پولیو سے بچائوکے قطرے پلائے جائیں گے، مہم میں2 لاکھ73 ہزار سے زائد پولیو ورکرز حصہ لے رہے ہیں۔ پنجاب کے13 اضلاع میں ایک کروڑ6 لاکھ بچوں، سندھ کے 30 اضلاع میں ایک کروڑ اور خیبر پختونخوا کے37 اضلاع میں 73 لاکھ بچوں کو پولیو ویکسین پلائی جائے گی۔ بلوچستان کے32 اضلاع میں23 لاکھ، اسلام آباد میں 4 لاکھ47 ہزار بچوں کو پولیو سے بچائو کے قطرے پلائے جائیں گے، گلگت بلتستان کے دو اضلاع میں ایک لاکھ37 ہزار بچوں کو ویکسین پلانے کا ہدف مقرر کیا گیا ہے۔ انسداد پولیو مہم کے دوران سکیورٹی کے حوالے سے بھی غیر معمولی انتظامات کئے گئے ہیں۔