مشرق وسطیٰ جنگ کے تمام فریقین تحمل کا مظاہرہ کریں: عمانی وزیر خارجہ

مسقط (این این آئی) عمان کے وزیرِ خارجہ بدر البوسعیدی نے کہا ہے کہ مشرق وسطی جنگ کے تمام فریقین تحمل کا مظاہرہ کریں۔ اقوام متحدہ کی جنرل اسمبلی میں خطاب کرتے ہوئے انہوں نے کہا کہ فریقین کو اختلافات بات چیت کے ذریعے حل کرنے چاہئیں۔ بدر البوسعیدی کا کہنا تھا کہ فریقین کو سیاسی حل اور پائیدار معاہدوں تک پہنچنے کی کوشش کرنی چاہیے۔ انہوں نے کہا کہ عمان مشرق وسطی تنازع میں ثالثی کی کوششیں جاری رکھنے کے لیے تیار ہے۔ عمانی وزیرِ خارجہ کا کہنا تھا کہ آبنائے ہرمز میں بحری آمدورفت کی سکیورٹی برقرار رکھنے کی کوششوں کے لیے پرعزم ہیں۔