سعودی عرب کے وزیر خارجہ شہزادہ فیصل بن فرحان پیر 28 ستمبر کو واشنگٹن پہنچ گئے، جہاں وہ امریکی وزیر خارجہ مارکو روبیو سے اہم مذاکرات کریں گے۔ سعودی سرکاری خبر رساں ایجنسی کے مطابق دونوں رہنما دوطرفہ تعلقات، علاقائی اور بین الاقوامی اہم امور پر بات چیت کریں گے۔
یہ ملاقات ایسے وقت میں ہو رہی ہے جب سعودی عرب اور یمن کے حوثیوں کے درمیان کشیدگی میں اضافہ ہوا ہے۔ رائٹرز کے مطابق سعودی ولی عہد محمد بن سلمان نے رواں ماہ حوثیوں کے خلاف امریکی فوجی مدد طلب کی تھی، تاہم واشنگٹن نے براہِ راست حملے کرنے سے انکار کرتے ہوئے انٹیلی جنس اور اہداف سے متعلق معاونت فراہم کرنے پر اتفاق کیا تھا۔
فیصل بن فرحان نے اس سے قبل اقوام متحدہ کی جنرل اسمبلی کے 81ویں اجلاس سے خطاب میں خطے میں کشیدگی کم کرنے، آزادانہ بحری آمدورفت اور آبنائے ہرمز سمیت اہم آبی گزرگاہوں کے تحفظ پر زور دیا تھا۔
