آبنائے ہرمز میں ایرانی میزائل حملے سے 8 امریکی میرینز زخمی ہوگئے۔ امریکی حکام کے حوالے سے این بی سی نیوز نے رپورٹ کیا کہ 14 ستمبر 2026 کو ایرانی اینٹی شپ کروز میزائل نے آبنائے ہرمز میں ایک بحری جہاز کو نشانہ بنایا، جس پر امریکی میرینز سوار تھے۔ واقعے میں 7 اہلکار اور ایک افسر زخمی ہوئے۔
رپورٹ کے مطابق زخمی ہونے والے میرینز کو دھوئیں کے باعث سانس لینے میں دشواری اور سر درد سمیت کنکشن جیسی علامات کا سامنا کرنا پڑا، تاہم کسی کی حالت تشویشناک نہیں تھی اور تمام 8 اہلکار حملے کے کچھ ہی عرصے بعد دوبارہ ڈیوٹی پر واپس آگئے۔
امریکی حکام نے بتایا کہ میرینز ایک Battalion Landing Team کا حصہ تھے اور جس بحری جہاز پر وہ موجود تھے وہ امریکی بحریہ کا جنگی جہاز نہیں تھا۔ جہاز کی نوعیت یا مشن کی مزید تفصیلات ظاہر نہیں کی گئیں۔ یہ حملہ اس وقت منظرِ عام پر آیا جب امریکی حکام نے اسے پہلے عوامی طور پر ظاہر نہیں کیا تھا۔
رپورٹ کے مطابق امریکی محکمہ دفاع کے اعداد و شمار میں ان 8 میرینز کو حملے کے تقریباً 10 روز بعد زخمی اہلکاروں کی فہرست میں شامل کیا گیا۔
