الامہ ہاسنگ سوسائٹی روات راولپنڈی کے مالکان سادہ لوح شہریوں کو لوٹنے میں مصروف

راولپنڈی(شاہد ملک سے)الامہ ہاسنگ سوسائٹی روات راولپنڈی کے مالکان کی جانب سے
پرکشش تصاویر مختلف ویب سائیٹ پر ڈال کر پاکستان اور بیرون ممالک میں دفاتر بنا کر سادہ لوح شہریوں سے اربوں روپے لوٹنے میں مصروف ہیں،س کی پشت پناہی راولپنڈی ڈویلپمنٹ اتھارٹی کا سائیڈ انسپکٹر کر رہا ہے ،آر ڈی اے کی جانب سے صرف اشتہارات جاری کرنے والوں کو نوٹس دیکر افسران کی انکھوں میں دھول جھونک کر بری الزمہ ہو گئے ہیں،جبکہ شہریوں کی جانب سے انٹی کریشن پنجاب ،صوبائی محتسب پنجاب کو درجنوں درخواستیں دینے کے باوجود ان اداروں کی خاموشی پر سوال اٹھنا شروع ہو گئے ہیں، شہری وسماجی حلقوں نے کمشنر راولپنڈی اور فیلڈ مارشل و چیف اف آرمی سٹاف سے نوٹس لینے کا مطالبہ کر دیا ہے،شہریوں کے مطابق الامہ ہاسنگ سوسائٹی جی ٹی روڈ روات راولپنڈی کے مالکان نے دبئی، اسلام آباد،راولپنڈی گیگا مال، لاہور ڈی ایچ اے ، پشاور، مری ،کراچی ،ملتان اور دیگر علاقوں میں دفاتر بنا کر شہریوں کو لوٹ رہے ہیں، لیکن راولپنڈی ڈویلپمنٹ اتھارٹی کے انسپکٹر عمران کی ملی بھگت سے صرف سوشل میڈیا،یوٹیوب ،وٹس ایپ،اور ویب سائیٹ پر الامہ ہاسنگ سوسائٹی کے اشتہارات جاری کرنے والے سید منظور حسین،سردار شبیر خان،سردار سہراب حسین،سردار نثار احمد سدوزئی وغیرہ کے خلاف سائبر کرائم میں ایک درخواست دے کر بری الزمہ ہو گئے ہیں،آج تک اس غیر قانونی ہاسنگ سوسائٹی کے مالکان کے خلاف کوئی مقدمہ درج نہیں کیا گیا، اور نہ اس کے سائیڈ دفاتر بند کیے گئے ،جبکہ راولپنڈی ڈویلپمنٹ اتھارٹی کے انسپکٹر عمران کی مبینہ ملی بھگت سے غیر قانونی الامہ ہاسنگ سوسائٹی کے مالکان کو مشورہ دیا ہے کہ عدالت سے رجوع کر لیں،جبکہ اس غیر قانونی ہاسنگ سوسائٹی کے مالکان نے اس وقت تک ہزاروں سادہ لوح شہریوں کو سہانے خواب دیکھا کر اربوں روپے لوٹ کر چکے ہیں،جبکہ متاثرین اپنے حقوق کے حصول کے لیے دربدر کی ٹھوکریں کھا رہے ہیں،اور پولیس، آر ڈی اے، اور دیگر متعلقہ اداروں کو درخواستیں دیتے آ رہے ہیں، مگر ان کی فریاد کسی نے نہیں سنی، شہریوں کا کہنا ہے ہماری ساری زندگی کی جمع پونجی لوٹ کر پلاٹ بھی نہیں دے رہے،اس میں راولپنڈی ڈویلپمنٹ اتھارٹی کے سابق افسران مبینہ طور پر ملوث ہیں،جو اب بھی آر ڈی اے میں موجود ہیں،جو ان فراڈیوں کو تحفظ فراہم کر رہے ہیں، افسران اور اہلکاروں نے ان سادہ لوح شہریوں کو جعلی ہاسنگ سوسائٹی کے نام پر لوٹنے والے مالکان کے رحم و کرم پر چھوڑ دیا ہے، شہریوں کو اربوں روپے کے پلاٹ صرف کاغذوں کی حد تک فروخت کیے، تمام اداروں کے دروازے کھٹکھٹائے لیکن ہماری داد رسی نہ ہو سکی، شہریوں نے کمشنر راولپنڈی اور فیلڈ مارشل و آرمی چیف جنرل عاصم منیر سے نوٹس لینے کی اپیل کی ہے،