گداگری سماجی برائیوں کی جڑ’ ہرصورت خاتمہ کیا جائے:فیصل کامران

لاہور (کرائم رپورٹر) ڈی آئی جی آپریشنز فیصل کامران کی زیر صدارت کینٹ ڈویژن کے افسران کے ساتھ انسدادِ جرائم میٹنگ کا انعقاد ہوا۔ میٹنگ میں ایس ایس پی آپریشنز، ایس پی کینٹ، سرکل افسران اور ایس ایچ اوز نے شرکت کی۔ میٹنگ میں شہر بھر کی سکیورٹی، لاء اینڈ آرڈر بارے تبادلہ خیال کیا گیا۔ ڈی آئی جی آپریشنز نے کہا کہ سٹیٹ کی رٹ کو  ہر صورت قائم رکھا جائے گا اور شہریوں اور سرکاری املاک کا تحفظ یقینی بنایا جائے گا۔ کینٹ ڈویژن پولیس کو نقب زنی، سرقہ کی وارداتیں کنٹرول کرنے کی ہدایت کی۔ فیصل کامران نے کہا کہ گداگری سماجی برائیوں کی جڑ، پیشہ ور گداگروں کا خاتمہ کریں۔ ڈی آئی جی آپریشنز نے کہا کہ خواتین و بچوں سے متعلق واقعات پر زیرو ٹالرنس کی پالیسی ہے۔ انہوں نے ایس پی کینٹ کو کرائم کے لحاظ سے جنرل ہولڈ اپ کی ہدایت کی۔ فیصل کامران نے کہا کہ کمپلینٹ مینجمنٹ سسٹم پر زیر التواء درخواستوں کو جلد از جلد یکسو کریں۔ انہوں نے کہا کہ پتنگ بازوں، قمار بازوں کے خلاف کریک ڈائون کریں اور ڈالہ کلچر، اسلحہ کی نمائش کسی صورت قبول نہیں ان کے خلاف کارروائیاں کریں۔ ڈی آئی جی آپریشنز نے کہا کہ کرایہ داروں کا اندراج، نجی ملازمین، ہوٹل آئی، ای گیجٹ لازمی کریں۔ تھانوں کے کیمروں سمیت دیگر آلات ورکنگ حالت میں رکھیں۔ فیصل کامران نے کہا کہ غروب آفتاب کے بعد خواتین کو تھانوں میں انکوائری کیلئے ہرگز مت بلائیں۔ ڈی آئی جی آپریشنز نے کہا کہ کرپشن پر زیروٹالرنس کی پالیسی ہے۔ ملوث افسران واہلکاروں کو حوالات کی ہوا کھانا پڑے گی۔