اسلام آباد(خبریں ڈیجیٹل) تحریک انصاف کا لانگ مارچ موخر کیے جانے کے بعد خیبر پختونخواہ سے اسلام آباد جانے والے تمام راستے کھل گئے۔ ترجمان موٹر وے پولیس کے مطابق موٹر وے ایم ون اسلام آباد تا پشاور دونوں اطراف سے ہر قسم کی ٹریفک کے لیے بحال کر دی گئی ہے۔ آخری اطلاعات تک موٹر وے ایم 14، ہکلہ تا کنڈل، موٹر وے ایم ون سے ہزارہ موٹر وے کو ملانے والا لوپ پر بحالی کا کام جاری تھا۔ جی ٹی روڈ این فائیو اسلام آباد تا پشاور ہر قسم کی ٹریفک کے لیے بحال کر دیا گیا۔ دوسری جانب وفاقی دارالحکومت اسلام آباد میں ریڈ زون کے اطراف بڑی تعداد میں کنٹینرز موجود ہیں۔
