پاکستان کرکٹ ٹیم کے وکٹ کیپر بیٹر محمد رضوان کو نیشنل سائبر کرائم انویسٹی گیشن ایجنسی (این سی سی آئی اے) کی جانب سے دوسرا نوٹس موصول ہوگیا ہے، جس میں انہیں 2 اکتوبر کو لاہور دفتر میں پیش ہونے کی ہدایت کی گئی ہے۔
ذرائع کے مطابق نوٹس محمد رضوان کے گھر کے پتے پر موصول ہوا۔ این سی سی آئی اے نے ان سے ضبط کیے گئے موبائل فون کے تجزیے اور فرانزک کے لیے پیش ہونے کو کہا ہے۔ جیو نیوز کے مطابق پیشی کا وقت 2 اکتوبر سہ پہر 3 بجے مقرر کیا گیا ہے۔
محمد رضوان کے قریبی ذرائع کا کہنا ہے کہ وہ اپنے وکیل کے ہمراہ این سی سی آئی اے کے سامنے پیش ہوں گے۔ ذرائع کے مطابق نوٹس میں ان پر عائد الزامات کی تفصیلات فراہم نہیں کی گئیں، جبکہ رضوان کی جانب سے این سی سی آئی اے کو بھیجے گئے خط کا جواب بھی تاحال موصول نہیں ہوا
