امریکی ریاست کیلیفورنیا نے عیدالفطر اور عیدالاضحیٰ کو ریاستی تعطیلات کے طور پر قانون میں شامل کرلیا ہے۔ گورنر گیون نیوسم نے اسمبلی بل AB 2017 پر دستخط کردیئے، جس کے بعد دونوں اسلامی تہواروں کو ریاستی قانون میں باضابطہ طور پر تسلیم کرلیا گیا۔
نئے قانون کے تحت ریاستی اور اسکول ملازمین عید کے موقع پر موجودہ پرسنل ہالی ڈے کریڈٹ یا دیگر دستیاب چھٹی استعمال کرسکیں گے۔ اس کے علاوہ سرکاری اسکول اور کمیونٹی کالجز مقامی سطح پر طے شدہ معاہدوں کے تحت عیدالفطر اور عیدالاضحیٰ کے موقع پر بند بھی ہوسکتے ہیں۔
قانون کے مطابق عیدالفطر رمضان المبارک کے اختتام پر یکم شوال کو منائی جاتی ہے، جبکہ عیدالاضحیٰ 10 ذوالحجہ کو منائی جاتی ہے۔ دونوں تہوار اب کیلیفورنیا کے ریاستی تعطیلات کے قانون کا حصہ ہیں۔
