پی ٹی آئی کارکن اکمل خان باری کی پولیس ہراسانی کیخلافع درخواست، پولیس سے 28 اکتوبر کو جواب طلب

لاہور (کورٹ رپورٹر) لاہور ہائیکورٹ نے پی ٹی آئی کارکن اکمل خان باری کی پولیس ہراسانی کے
خلاف درخواست پر لاہور پولیس اور نیشنل سائبر کرائم انویسٹی گیشن ایجنسی (این سی سی آئی اے) سے 26 اکتوبر کو جواب طلب کرلیا۔ جسٹس عبہر گل خان نے درخواست پر سماعت کی۔ درخواست میں لاہور پولیس، ایف آئی اے اور تھانہ شاہدرہ کو فریق بنایا گیا ہے۔ درخواست گزار نے موقف اختیار کیا کہ ان کے خلاف کوئی مقدمہ درج نہیں اور نہ ہی وہ کسی مقدمے میں ملوث ہیں، تاہم پولیس انہیں سیاسی سرگرمیوں سے روکنے کے لیے مبینہ طور پر ناجائز طور پر تنگ اور ہراساں کر رہی ہے۔ درخواست گزار نے عدالت سے استدعا کی کہ متعلقہ حکام کو ہراساں کرنے اور غیر قانونی طور پر تنگ کرنے سے روکنے کا حکم دیا جائے۔