لاہور(کامرس رپورٹر)ایم جی موٹر پاکستان نے صارفین کو اولین ترجیح دینے کے اپنے عزم کو
مزید مضبوط بناتے ہوئے ایم جی HSسپر ہائبرڈ مالکان کے لیے ایک خصوصی کسٹمر انگیجمنٹ مہم کا آغاز کیا ہے، جس کے تحت منتخب شرکا کو گاڑی کے ساتھ اپنے حقیقی تجربات شیئر کرنے پر 7 کلوواٹ ہوم چارجر جیتنے کا موقع دیا جائے گا۔ 15 اکتوبر سے 15 نومبر 2026 تک جاری رہنے والی یہ مہم صارفین کے ساتھ دیرپا تعلقات استوار کرنے اور ڈرائیونگ کے تجربے سے آگے بڑھ کر گاڑی کی ملکیت سے وابستہ سہولیات کو مزید بہتر بنانے کے لیے ایم جی پاکستان کی کوششوں کی عکاسی کرتی ہے۔اس مہم کے تحت ایم جی HS سپر ہائبرڈ مالکان کو مدعو کیا گیا ہے کہ وہ گاڑی کے ساتھ اپنے ذاتی تجربات پر مبنی ایک ویڈیو ریکارڈ کریں اور اسے اپنے فیس بک یا انسٹاگرام پروفائلز پر شیئر کریں۔ شرکا کے لیے ضروری ہے کہ وہ پوسٹ میں @MGMotorsPakistanکو ٹیگ کریں اور ویڈیو کا لنک مطلوبہ تفصیلات کے ساتھ info@mgmotors.com.pkپر ای میل کریں۔ ای میل کا سبجیکٹ”MG HS Super Hybrid Experience”ہونا چاہیے۔ شرکا کے لیے تصدیقی عمل مکمل ہونے تک اپنے سوشل میڈیا پروفائلز کو پبلک رکھنا بھی ضروری ہے۔ اس مہم کے حوالے سے گفتگو کرتے ہوئے ایم جی موٹر پاکستان کے چیف ایگزیکٹو آفیسر، Jianqiang Shao نے کہاکہ،”صارفین کو اولین ترجیح دینے کا مطلب صرف گاڑی فراہم کرنا نہیں، بلکہ مسلسل ایسے مواقع پیدا کرنا بھی ہے جن سے گاڑی کی ملکیت کا تجربہ مزید بہتر اور فائدہ مند بن سکے۔ ہمارے صارفین کے تجربات اور آرا ہمارے لیے اہمیت رکھتے ہیں، اور یہ مہم ایم جیHS سپر ہائبرڈ کے ساتھ ان کے سفر اور تجربات کو سراہنے کا ایک موقع ہے۔ منتخب مالکان کو 7 کلوواٹ ہوم چارجر فراہم کرکے ہم پلگ اِن ہائبرڈ گاڑی کے استعمال کو مزید آسان بنانے کا بھی ارادہ رکھتے ہیں۔” اس مہم کا مقصد صارفین کو ایم جی HS سپر ہائبرڈ کے ساتھ اپنے حقیقی تجربات شیئر کرنے کی ترغیب دینا ہے، تاکہ گاڑی خریدنے میں دلچسپی رکھنے والے افراد بھی موجودہ مالکان کے تجربات سے فائدہ اٹھا سکیں۔ ہوم چارجرز گاڑی کی پلگ اِن ہائبرڈ خصوصیت کے مطابق گھر پر سہولت کے ساتھ چارجنگ کی سہولت فراہم کرنے میں بھی مددگار ثابت ہوں گے۔ونرز کا انتخاب ایم جی موٹر پاکستان مہم کے قواعد و ضوابط کے مطابق کرے گا۔ اس پیشکش سے فائدہ اٹھانے کی آخری تاریخ 15 نومبر 2026 ہے، جبکہ تقسیم کیے جانے والے ہوم چارجرز کی مجموعی تعداد 50 سے زیادہ نہیں ہوگی۔
