کراچی (آئی این پی) معروف گلوکار سجاد علی کے بھائی گلوکار اور موسیقار وقار علی کینسر کے مرض میں مبتلا ہو گئے۔ وقار علی نے اپنی صحت سے متعلق اس افسوس ناک خبر سے مداحوں کو آگاہ کر دیا۔انہوں نے لکھا ہے کہ مجھے پھیپھڑوں کے کینسر کی تشخیص ہوئی ہے جو چوتھے مرحلے میں ہے، آج میں عاجزی کیساتھ آپ سے دعائوں کی درخواست کر رہا ہوں۔وقار علی کہا کہ مجھے نہیں معلوم کہ آنے والا کل کیا لے کر آئے گا، لیکن مجھے دعائوں کی طاقت، ایمان کے سہارے اور اس احساس کی اہمیت کا یقین ہے کہ بہت سے لوگ میرے لیے نیک تمنائیں رکھتے ہیں۔ گلوکار کی پوسٹ سامنے آتے ہی مداحوں کی جانب سے دعائوں اور نیک تمنائوں کا سلسلہ شروع ہو گیا ہے۔
