فیصل آبادغیرت کے نام پر بیوی اور اس کے آشنا کا قتل

فیصل آباد(بیورورپورٹ) مشتمل شخص نے غیرت کے نام پر بیوی اور اس کے ادھیڑ عمر آشنا کو قتل کر دیا، مقتول بابے کے اغوا کی ایف آئی آر درج تھی، تفصیل کے مطابق تھانہ غلام محمد آباد کے علاقہ ہیون ولاز کا رہائشی اڑسٹھ سالہ شیر محمد خاں 22 اکتوبر کی صبح کو گھر سے قبرستان جانے کے لیے نکلا اور لاپتہ ہو گیا، پولیس نے اغوا کا مقدمہ درج کر کے تلاش شروع کر دی، موبائل فون کی لوکیشن کا پیچھا کرتے ہوئے پولیس ٹیم تھانہ گلبرگ کے علاقہ کمال آباد قبرستان کے قریب واقع گھر تک پہنچ گئی، مذکورہ گھر سے شیر محمد خاں اور روبی بی بی زوجہ شاہد کی لاشیں برآمد ہوئیں، پولیس رپورٹ کے مطابق مقتول شیر محمد خاں کے شاہد کی بیوی روبی بی بی کے ساتھ ناجائز تعلقات استوار تھے جو روبی بی بی کو ملنے اس کے گھر پہنچا تو خاتون کے شوہر شاہد کو پتہ چل گیا جس پر شاہد نے طیش میں آ کر غیرت کے نام پر فائرنگ کر کے دونوں کو قتل کر دیا اور فرار ہو گیا، پولیس نے پوسٹ مارٹم کے بعد نعشیں ورثائ کے حوالے کر دی ہیں اور ملزم کی تلاش شروع کر دی ہے۔