لندن’ ملتان (آئی این پی’ مانیٹرنگ ڈیسک) پٹرولیم ڈویژن کی جانب سے جاری اعلامیے کے مطابق حکومت نے پٹرول کی قیمت میں1روپیہ 54پیسے اضافہ کردیا گیا ہے جس کے بعد پٹرول کی نئی قیمت 379 روپے25پیسے فی لٹر ہوگئی ہے۔ ڈیزل کی قیم میں 2روپیہ 16پیسے اضافہ کیا گیا ہے جس کے بعد ڈیزل کی نئی قیمت 395 روپے 82پیسے فی لٹرہوگئی ہے۔ پٹرولیم ڈویژن کے مطابق پٹرول اور ڈیزل کی نئی قیمتوں کا اطلاق 27 اکتوبر کیلئے ہوگا۔عالمی منڈی میں خام تیل کی قیمتوں میں پیر کو کمی ریکارڈ کی گئی ۔برطانوی خبر رساںادارے کے مطابق امریکی خام تیل کی قیمت ایک ڈالر 60 سینٹ کمی کے بعد 101 ڈالر 67 سینٹ فی بیرل ہوگئی، برطانوی خام تیل برینٹ کی قیمت ایک ڈالر 56 سینٹ کمی سے 115 ڈالر 16 سینٹ فی بیرل پر آگئی۔رپورٹ کے مطابق سعودی عرب میں حوثی حملوں کے باعث توانائی کی رسد متاثر ہونے کے خدشات نے گزشتہ ہفتے تیل کی قیمتوں میں اضافے کو ہوا دی تھی۔
پٹرولیم قیمتیں
