ملتان ( مانیٹرنگ ڈیسک) پٹرولیم ڈویژن کی جانب سے جاری اعلامیے کے مطابق حکومت نے پٹرول کی قیمت میں1روپیہ 85پیسے اضافہ کردیا گیا ہے جس کے بعد پٹرول کی نئی قیمت 377 روپے91پیسے فی لٹر ہوگئی ہے۔ ڈیزل کی قیمت میں 1روپیہ 75 پیسے اضافہ کیا گیا ہے جس کے بعد ڈیزل کی نئی قیمت 399 روپے 82پیسے فی لٹر ہوگئی ہے۔ پٹرولیم ڈویژن کے مطابق پٹرول اور ڈیزل کی نئی قیمتوں کا اطلاق 29اکتوبر کیلئے ہوگا۔ دریں اثناء حکومت نے پیٹرول پر کسٹم ڈیوٹی میں کمی کردی، جبکہ آئل اینڈ گیس ریگولیٹری اتھارٹی (اوگرا) نے پٹرولیم مصنوعات کی نئی قیمتوں کا نوٹیفکیشن جاری کردیا ہے، جس کا اطلاق فوری طور پرنافذ ہوگا۔جاری کردہ تفصیلات کے مطابق پٹرول پر کسٹم ڈیوٹی 5 روپے 71 پیسے فی لٹر کم کی گئی ہے، جس کے بعد یہ 26 روپے 27 پیسے سے کم ہوکر 20 روپے 56 پیسے فی لٹر رہ گئی ہے۔ نوٹیفکیشن کے مطابق پیٹرول پر پیٹرولیم لیوی 80 روپے فی لیٹر برقرار رکھی گئی ہے، جبکہ پٹرول اور ڈیزل دونوں پر کلائمیٹ سپورٹ لیوی 5 روپے فی لٹر اور سیلز ٹیکس صفر برقرار ہے۔
پٹرولیم قیمتیں
