حکومت کاروبار کی لاگت، ٹیکسز، توانائی کے مسائل حل کرنے کیلئے اقدامات کر رہی ہے: گورنر اسٹیٹ بینک

لاہور(مانیٹرنگ ڈیسک)گورنر اسٹیٹ بینک جمیل احمد نے کہا ہے کہ حکومت کاروبار کی لاگت، ٹیکسز اور توانائی کے مسائل حل کرنے کیلیے اقدامات کر رہی ہے۔ چھوٹے کاروبار کے سالانہ حجم کی حد 15 کروڑ سے بڑھا کر 40 کروڑ روپے اور درمیانے درجے کے کاروبار کے حجم کی حد 80 کروڑ سے بڑھا کر 2 ارب روپے کردی گئی ہے۔لاہور ایوان صنعت و تجارت میں خطاب کرتے ہوئے گورنر اسٹیٹ بینک کا کہنا تھا کہ ایس ایم ایز کی فنانسنگ میں نمایاں اضافہ حکومت کی ترجیحات میں شامل ہے۔انہوں نے کہا کہ زراعت، ہاسنگ اور برآمدات کو بھی خصوصی اہمیت دی جارہی ہے۔ بغیر کولیٹرل قرضوں کی حد ایک کروڑ روپے سے بڑھا کر 5 کروڑ روپے کردی گئی ہے۔ان کا کہنا تھا کہ ایس ایم ایز کی تعریف میں بھی تبدیلی کی گئی ہے، چھوٹے کاروبار کے سالانہ حجم کی حد 15 کروڑ سے بڑھا کر 40 کروڑ روپے کردی گئی ہے۔ درمیانے درجے کے کاروبار کیلیے حجم کی حد 80 کروڑ سے بڑھا کر 2 ارب روپے کردی گئی ہے۔گورنر اسٹیٹ بینک نے کہا کہ 2 ارب روپے تک کاروباری حجم رکھنے والے ادارے ایس ایم ایز کی سہولتوں سے فائدہ اٹھاسکیں گے۔مرکزی بینک کے گورنر جمیل احمد نے کہا کہ حکومت کاروبار کی لاگت، ٹیکسز اور توانائی کے مسائل حل کرنے کیلیے اقدامات کر رہی ہے۔ ایس ایم ای قرضوں کیلیے درخواست فارم کو آسان بنا کر ایک صفحے تک محدود کردیا ہے۔