پٹرولیم لیوی میں 10 سے 15 روپے فی لٹر کمی کا امکان’ نیا فارمولا جاری

اسلام آباد (آئی این پی ) حکومت کی جانب سے صارفین پر پٹرولیم لیوی کا بوجھ کم کرنے کیلئے اقدامات شروع کردئیے گئے ،پٹرولیم ڈویژن نے آئل ریفائنریز کیلئے قیمتوں کے تعین کا نیا فارمولا جاری کردیا،جس کے تحت ریفائنریز بھی پٹرولیم
ڈویلپمنٹ لیوی میں فی لیٹر حصہ ڈالیں گی۔ رپورٹ کے مطابق درآمدی کارگو پر ایکسیڈینٹل چارجزمارچ سے پہلے کی سطح پر مقرر ہوں گے اور اس سے حاصل ہونے والی بچت پیٹرولیم لیوی کم کرنے کیلئے استعمال کی جائے گی،ریفائنری ذرائع کاکہنا ہے کہ اس اقدام سے پیٹرولیم لیوی میں 10 سے 15 روپے فی لٹر کمی ممکن ہے،تاہم ریفائنریز کو فی لٹر 30 روپے سے زائد نقصان کا خدشہ ہے۔نئے فارمولے کے تحت پیٹرول کی درآمدی قیمت کا تعین پی ایس او کے اصل درآمدی کارگو کی لاگت پر ہوگا، اصل درآمدی لاگت دستیاب نہ ہونے کی صورت میں آخری کارگو کا پریمیم اور اضافی اخراجات استعمال کئے جاسکیں گے،آئل ریفائنریز آئندہ 30 روز تک پیٹرول کی ایکس ریفائنری قیمت 7 مارچ 2026 کی سطح پرمقررکرسکیں گی،پریمیم، اضافی اخراجات اورکسٹمز ڈیوٹی بھی اسی سطح پر برقرار رکھنے کی اجازت ہو گی۔ذرائع کیمطابق درآمدی اور ایکس ریفائنری قیمت کے فرق کی رقم ریفائنریز کو پیٹرولیم لیوی کی مد میں جمع کرانا ہوگی،لیوی میں ردوبدل کا فائدہ صرف پیٹرول صارفین کو منتقل کیا جائے گا۔پیٹرولیم ڈویژن نے تمام آئل ریفائنریز کوخطوط ارسال کرتیہوئیروزانہ پیٹرول کی فروخت کی تفصیلات اوگرا اورپیٹرولیم ڈویژن کو فراہم کرنیکی ہدایت کی ہے،فروخت کی رپورٹس کیساتھ سی پی آرز اور چالان بھی جمع کرانا ہوں گے،اوگرا اورپیٹرولیم ڈویژن اضافی لیوی کی ادائیگیوں اور حسابات کی تصدیق کریں گے۔