اسرائیلی اپوزیشن بلاک کا جلد حکومت سازی کا عمل مکمل کرنیکا عہد

تل ابیب (این این آئی)گاڈی آئزنکوٹ کی قیادت میں اسرائیلی اپوزیشن بلاک نے وزیر اعظم بنیامن نتن یاھو کو اقتدار سے باہر کرنے کے لیے جلد از جلد حکومت تشکیل دینے کا عہد کیا ہے، لیکن عرب جماعتوں کے نمائندوں کے ساتھ اتحاد کے حوالے سے باہمی اختلافات میں انہوں نے ابھی تک اس کا طریقہ کار واضح نہیں کیا ۔عرب ٹی وی کے مطابق اپوزیشن بلاک کی پانچوں جماعت کے سربراہان نے اگلے مرحلے پر مشاورت کے لیے ہر تسلیا شہر کے ایک ہوٹل میں ملاقات کی جو 27 اکتوبر کے انتخابات کے بعد پہلی ملاقات تھی جن کے نتیجے میں حکومت سازی کے لیے کنیسٹ میں اکثریت کی ضمانت کے حوالے سے کوئی حتمی نتیجہ سامنے نہیں آ سکا تھا۔ایک مشترکہ بیان میں اپوزیشن کے رہنمائوں نے کہا کہ ان کا ہدف جلد از جلد حکومت تشکیل دینا اور اسرائیل کو نئے انتخابات کی طرف دھکیلے جانے سے روکنا ہے۔رہنمائوں نے آئزنکوٹ کی طرف سے طے شدہ چار اصولوں پر قائم رہنے کی تصدیق کی، جن میں حکومت میں شامل ہونے والی کسی بھی پارٹی پر اسرائیل کو ایک یہودی ریاست کے طور پر تسلیم کرنے اور اسلامی تحریک مزاحمت حماس کو ایک دہشت گرد تنظیم کے طور پر مذمت کرنے کی شرط شامل ہے، یہ وہ شرائط ہیں جو حکومت میں بعض عرب اراکینِ اسمبلی کی شرکت کو خارج کرنے کا باعث بن سکتی ہیں۔بیان میں کہا گیا ہے کہ رہنمائوں نے آئزنکوٹ کی طرف سے طے شدہ چار اصولوں کی بنیاد پر پہلے سے پہلے ایک صہیونی حکومت کی تشکیل کی ضرورت پر اتفاق کیا۔اسرائیلی میڈیا کی رپورٹس کے مطابق اپوزیشن کے رہنماں نے عرب جماعتوں کے ساتھ اتحاد کی قیمت پر، روایتی طور پر بنیامن نتن یاھو کے حامی سمجھے جانے والے سخت گیر مذہبی یہودی پارٹیوں کے ساتھ اتحاد کی تشکیل کو ترجیح دی ہے۔دونوں حریف کیمپوں یعنی بنیامن نتن یاھو کا دائیں بازو کا اتحاد 53 نشستیں جن میں 27 نشستیں ان کی پارٹی لیکوڈ کی ہیں، یا آئزنکوٹ کی قیادت میں اتحاد 48 نشستیں میں سے کسی کو بھی ایسی اکثریت حاصل نہیں ہوئی جو حکومت بنانے والی شخصیت کے انتخاب کو حتمی بنا سکے۔عرب اراکینِ اسمبلی آئزنکوٹ کے لیے پارلیمانی اکثریت فراہم کر سکتے ہیں۔ مشترکہ عرب فہرست اور متحدہ عرب فہرست راعم نے 120 نشستوں میں سے 19 نشستیں حاصل کر کے ایک تاریخی نتیجہ حاصل کیا ہے۔اگرچہ آئزنکوٹ بلاک کی احزاب کے رہنماں کے مواقف میں متعدد امور پر اختلاف موجود ہے، جن میں عرب اراکینِ اسمبلی کا کردار بھی شامل ہے، لیکن ان تمام نے اگلی حکومت کی تشکیل کے لیے ان کی حمایت کا اعلان کیا ہے۔دائیں بازو کے سابق وزیراعظم نفتالی بینیٹ کی پارٹی تیسرے نمبر پر رہی ہے انہوں نے صحافیوں سے گفتگو کرتے ہوئے کہا کہ ہمارے پاس وقت نہیں ہے، ہمیں بہت تیزی سے پیش قدمی کرنا ہوگی۔ انہوں نے آئزنکوٹ کے لیے اپنی حمایت کی تصدیق کی۔