اٹک پولیس نے ہمیشہ امن و امان کے حوالے سے زمدرانہ کردار ادا کیا بابر سرفراز

اٹک (بیورورپورٹ) وزیراعلی پنجاب مریم نواز شریف کی اٹک آمد کے موقع پر ریجنل پولیس آفیسر راولپنڈی ریجن بابر سرفراز الپا، ڈسٹرکٹ mپولیس آفیسر اٹک کیپٹن (ر) علی بن طارق اور ڈپٹی کمشنر مدثر احمد شاہ کی جانب سے پرتپاک استقبال کیا گیا، وزیراعلی کے دورے کے موقع پر سیکیورٹی انتظامات کا تفصیلی جائزہ لیا گیا اور پولیس افسران و جوانوں کو مکمل الرٹ رہنے کی ہدایات جاری کی گئیں، بہترین سیکیورٹی انتظامات پر عوامی، سماجی اور کاروباری حلقوں کی جانب سے اٹک پولیس کو خراجِ تحسین، تفصیلات کے مطابق وزیراعلی پنجاب محترمہ مریم نواز شریف نے اٹک کا دورہ کیا، اس موقع پر ریجنل پولیس آفیسر راولپنڈی ریجن بابر سرفراز الپا اور ڈسٹرکٹ پولیس آفیسر اٹک کیپٹن (ر) علی بن طارق کی نگرانی میں اٹک پولیس کے چاق و چوبند دستے نے وزیراعلی پنجاب کو سلامی پیش کی اور ان کا پرتپاک استقبال کیا، وزیراعلی کے دورے سے قبل آر پی او اور ڈی پی او نے سیکیورٹی انتظامات کا تفصیلی جائزہ لیااور فول پروف سیکیورٹی انتظامات کو یقینی بنانے کے ساتھ ساتھ تمام سرگرمیوں کے پرامن اور منظم انعقاد کے لیے مثر حکمت عملی اپنائی گئی، ڈی پی او کیپٹن (ر) علی بن طارق نے سیکیورٹی ڈیوٹی پر مامور افسران و جوانوں کی خود نگرانی کی اور انہیں مکمل الرٹ رہنے، نظم و ضبط برقرار رکھنے اور پیشہ ورانہ ذمہ داریوں کو احسن انداز میں ادا کرنے کی ہدایات جاری کیں، دوسری جانب عوامی، سماجی اور کاروباری حلقوں نے وزیراعلی پنجاب کے دورے کے موقع پر بہترین سیکیورٹی حکمت عملی اور انتظامات پر ڈی پی او اٹک کیپٹن (ر) علی بن طارق اور اٹک پولیس کو خراجِ تحسین پیش کیا، ان کا کہنا تھا کہ اٹک پولیس نے ہمیشہ امن و امان کے قیام اور اہم شخصیات کی سیکیورٹی کے حوالے سے ذمہ دارانہ اور قابل ستائش کردار ادا کیا ہے، وزیراعلی کے حالیہ دورے کے موقع پر بھی جس پیشہ ورانہ مہارت، نظم و ضبط اور بہترین حکمت عملی کا مظاہرہ کیا گیا، وہ قابلِ تعریف ہے، انہوں نے اس امید کا اظہار کیا کہ اٹک پولیس آئندہ بھی اسی جذبے اور لگن کے ساتھ اپنے فرائض منصبی سرانجام دیتی رہے گی۔