مریم نواز شریف کا دورہ اٹک کامیابی سے ہمکنار ہوا :جہانگیر خانزادہ

حضرو (نمائندہ خبریں) سابق صوبائی وزیر جہانگیر خانزادہ نے کہا ہے کہ وزیر اعلیٰ پنجاب مریم نواز شریف کا دورہ اٹک کامیابی سے ہمکنار ہوا ،جس کے دورس ثمرات نکلیں گے ،وزیر اعلیٰ پنجاب کی اٹک آمد پر جس طرح حلقہ عوام نے ہمارے ساتھ تعاون کیا اور ہمارے قافلے میں شریک ہوکر اسے بھر پور کامیابی دلائی اس پر میں اپنے تمام کارکنان کا تہہ دل سے مشکور ہوں میرے ساتھ محبتوں کا ثبوت دینے پر انہیں یقین دلاتا ہوں کہ ہر مشکل وقت میں میرے کارکنان مجھے اپنے ساتھ پائیں گے ان خیالات کا اظہار انہوں نے میڈیا کے نمائندوں سے گفتگو کرتے ہوئے کیا جہانگیر خانزادہ نے کہا کہ پاکستان مسلم لیگ ن کی حکومت میں عوامی مسائل حل ہونگے ن لیگ کی قیادت وطن عزیز کو ترقی کی راہ پر گامزن کرنے کیلئے دن رات ایک کئے ہوئے ہے وزیر اعلیٰ پنجاب مریم نواز شریف بھی ن لیگی لیڈران کے نقش قدم پر چل کر عوامی مسائل کے حل کیلئے اپنا کردار ادا کر رہی ہیں صوبہ پنجاب ان کی قیادت میں ترقی کر رہا ہے ا ن کا دورہ اٹک مثالی تھا انہوں نے کہا کہ ہمارے کارکنان نے جس جذبہ سے مریم نواز شریف کا استقبال کیا اور ہماری ریلی میں شریک ہوئے اس پر تمام کارکنان کا تہہ دل سے شکریہ ادا کرتا ہوں ۔