شوز شاپ کے تالے توڑ کر لاکھوں روپے مالیت کے امپورٹڈجوتے چوری، مقدمہ درج

گوجرخان (بیورو رپورٹ)مبارک ہسپتال کے قریب شوز شاپ میں چوری کی واردات، نامعلوم ملزمان دکان کے تالے توڑ کر لاکھوں روپے مالیت کے امپورٹڈ جوتے لے اڑے۔ تفصیلات کے مطابق حسنین علی رضا نے پولیس کو بتایا کہ وہ مبارکباقی  ہسپتال کے قریب ڈائمنڈ امپورٹڈ شوز کے نام سے کاروبار کرتے ہیں۔ صبح دکان پر پہنچے تو تالے ٹوٹے ہوئے اور شٹر کھلا پایا۔ اندر جا کر پڑتال کی تو 250 جوڑے امپورٹڈ شوز غائب تھے، جن کی مجموعی مالیت 6 لاکھ 70 ہزار روپے بتائی گئی ہے۔ پولیس حکام کے مطابق درخواست موصول ہونے پر نامعلوم ملزمان کے خلاف چوری کا مقدمہ درج کر لیا گیا ہے جبکہ مزید تفتیش جاری ہے۔