ڈبلن(آئی این پی )یورپ میں مسافر طیاروں کو بم سے اڑانے کی دھمکیوں کا سلسلہ جاری ہے۔آئرلینڈ کے دارالحکومت ڈبلن سے اٹلی کے شہر روم جانے والے مسافر طیارے کو بم کی دھمکی کے بعد فرانس کی جانب موڑ دیا گیا۔ فرانسیسی حکام کے مطابق ایئر لنگس کے طیارے نے بحفاظت لینڈنگ کرلی۔طیارے میں 151 مسافر اور عملے کے 6 ارکان سوار تھے جنہیں محفوظ مقام پر منتقل کردیا گیا۔ بم ڈسپوزل اسکواڈ بھی موقع پر تعینات کردیا گیا ۔ یورپی میڈیا کے مطابق منگل کو بھی یورپ کی دس پروازوں کو بم کی دھمکیاں ملی تھیں۔ جبکہ روم میں فضائیہ کے لڑاکا طیاروں کو حرکت میں لانا پڑا تھا۔
