گوجرانوالہ پولیس مقابلے حقیقی بیٹی کے کیساتھ زیادتی کرنے والے ملزم سمیت 2 ہلاک

گوجرانوالہ(ڈویژنل بیورو رپورٹ) گوجرانوالہ کے مختلف علاقوں میں 3 پولیس مقابلے،حقیقی بیٹی کیساتھ زیادتی کرنیوالا ملزم سمیت2 افراد ہلاک، 1 زخمی حالت میں گرفتار۔سی پی او ڈاکٹر سردار غیاث گل خان کا فوری نوٹس، ڈویژنل ایس پیز سے رپورٹ طلب کر لی۔پولیس ترجمان رانا عرفان کے مطابق تھانہ گرجاکھ پولیس مقابلہ؛ 14 سالہ کمسن حقیقی بیٹی سے جنسی زیادتی کے مقدمہ میں ملوث ملزم عمران اپنے نامعلوم ساتھیوں کے ہمراہ پولیس پارٹی پر فائرنگ کر کے فرار ہونے کی کوشش میں اپنے ہی ساتھیوں کی فائرنگ سے ہلاک، قبضہ سے ناجائز اسلحہ برآمد۔ہلاک ملزم کو برآمدگی کے لیے لے جاتے ہوئے 3 کس نامعلوم ساتھیوں نے پولیس پر فائرنگ کر کے حراست سے فرار کروایا تھا، ملزم اپنی ہی 14 سالہ معصوم بیٹی کو گزشتہ ایک سال سے متعدد بار جنسی درندگی کا شکار بنا چکا تھا۔ ہمراہی نامعلوم ملزمان فرار۔تھانہ صدر وزیرآباد پولیس مقابلہ؛ راہزنی و چوری، پولیس مقابلہ اور منشیات کے متعدد مقدمات میں ریکارڈ یافتہ منشیات ڈیلر توصیف عرف ٹشو بٹ نامعلوم ساتھی کے ہمراہ پولیس ناکہ پر اندھا دھند فائرنگ کر کے فرار ہونے کی کوشش میں اپنے ہی ساتھی کی فائرنگ سے ہلاک، قبضہ سے 1800 گرام چرس اور ناجائز اسلحہ برآمد، ہمراہی ساتھی فرار۔تھانہ فیروزوالا پولیس کارروائی؛راہزنی اور موٹرسائیکل چوری کے درجن سے زائد مقدمات میں ریکارڈ یافتہ ملزم رضوان شریف پولیس ناکہ سے فرار ہوتے ہوئے زخمی حالت میں گرفتار، قبضہ سے چوری شدہ چاند گاڑی برآمد۔جبکہ فرار ملزمان کی گرفتاری کے لیے ایس ڈی پی اوز کی زیر نگرانی خصوصی پولیس ٹیمیں تشکیل، شہر بھر میں ناکہ بندی جاری۔