پاک امریکہ شکاگو چیمبر کے صدر نوید انور’ نائب صدر عامر حنیف کی پیرس آمد

پیرس (بیور رپورٹ) پاکستان امریکن شکاگو چیمبر آف کامرس کے صدر نوید انور اور نائب صدر عامر حنیف کی پیرس آمد۔پاکستان امریکن شکاگو چیمبر آف کامرس کی اعلی سطحی قیادت فرانس کے اہم دورے پر پیرس پہنچ گئی ہے۔ وفد میں چیمبر کے صدر نوید انور اور نائب صدر عامر حنیف شامل ہیں۔پیرس ائیرپورٹ آمد پر پاکستان بزنس فورم یورپ کے چیئرمین سردار ظہور اقبال نے اعلی سطحی وفد کا پرتپاک استقبال کیا اور انہیں فرانس آمد پر خوش آمدید کہا۔تاریخی یادداشتِ معاہدہ (MoU) پر دستخط ‘اس اہم دورے کے دوران پاک امریکہ شکاگو چیمبر آف کامرس اور پاکستان بزنس فورم یورپ کے درمیان ایک تاریخی یادداشتِ معاہدہ (MoU) پر دستخط کیے جائیں گے۔ اس معاہدے کا بنیادی مقصد دونوں تنظیموں کے مابین مشترکہ سرمائے کی ترغیب، کاروباری مواقعوں کی فراہمی اور نجی شعبے کے باہمی تعاون کو فروغ دینا ہے۔کاروباری برادری سے سلسلہ وار ملاقاتیںاپنے قیام کے دوران وفد فرانس میں مقیم نمایاں پاکستانی و مقامی کاروباری شخصیات، صنعت کاروں اور تاجر برادری سے سلسلہ وار ملاقاتیں کرے گا۔ ان ملاقاتوں کا مقصد فرانس اور امریکہ کی مارکیٹوں میں پاکستانی مصنوعات اور خدمات کی رسائی کے لیے نئے راستے تلاش کرنا ہے۔تجارتی تعلقات میں پیش رفت کی امید تاجر برادری کا ماننا ہے کہ پاکستان امریکن شکاگو چیمبر آف کامرس کی قیادت کا یہ دورہ فرانس نہ صرف سہ فریقی تجارت کو فروغ دے گا بلکہ بین الاقوامی سطح پر پاکستانی بزنس کمیونٹی کے لیے مزید نئی راہوں اور کامرانیوں کا باعث بنے گا۔