فائرنگ سے کانسٹیبل 5 سالہ بیٹا بارودی مواد پھٹنے سے پولیس اہلکار شہید

پشاور، ٹانک(نیوز ایجنسیاں ) خیبر پختونخوا کے ضلع ٹانک اور شانگلہ میں فائرنگ اور بارودی مواد پھٹنے سے 2 پولیس اہلکار اور 5 سالہ بچہ شہید ہوگئے ۔ ٹانک کے محلہ خدریانوالہ میں نامعلوم افراد کی فائرنگ سے پولیس کانسٹیبل اور اس کا پانچ سالہ بیٹا شہید ہوگئے۔ڈی پی او کے مطابق پولیس کانسٹیبل سعادت اپنے بیٹے کے ہمراہ بازار سے سودا سلف لینے جا رہے تھے ، نامعلوم افراد نے ان پر فائرنگ کر دی ۔ فائرنگ کے نتیجے میں کانسٹیبل سعادت موقع پر ہی شہید ہوگئے جبکہ زخمی بیٹے کو ڈی آئی خان منتقل کیا گیا، جہاں وہ زخموں کی تاب نہ لاتے ہوئے دم توڑ گیا، باپ بیٹے کی لاشیں ڈی ایچ کیو ہسپتال منتقل کردی گئی ہیں۔واقعے کے بعد پولیس نے علاقے میں سرچ آپریشن شروع کردیا ہے۔ادھر خیبر پختونخوا کے ضلع شانگلہ میں ہونے والے ایک بم دھماکے میں پولیس کانسٹیبل شہید ہوگیا۔ڈپٹی انسپکٹر جنرل آف پولیس مالاکنڈ زاہد نواز کے مطابق بارودی مواد پولیس کانسٹیبل کی موٹرسائیکل میں نصب کیا گیا تھا۔شہید ہونے والے کانسٹیبل کی لاش کو ہسپتال منتقل کر دیا گیا ہے۔پولیس کے مطابق واقعے کا مقدمہ درج کر کے ملزمان کی تلاش شروع کردی گئی ہے۔
پولیس کانسٹیبل