لاہور (این این آئی) پاکستان تحریک انصاف کے سینئر رہنما بیرسٹر علی ظفر نے کہا ہے کہ بانی پاکستان تحریک انصاف نے حکومت کے ساتھ مذاکرات جاری رکھنے کی ہدایت کی ہے، پی ٹی آئی نئے انتظامی یونٹس کے قیام کی بھی حامی ہے،پی ٹی آئی حکومت کے ساتھ مذاکرات کے لیے تیار ہے، ہم نے ممکنہ 28 ویں آئینی ترمیم کو مسترد کیا ہے نہ ہی قبول کیا ہے،ہمارا واضح ہے کہ صوبوں کا قیام انتظامی بنیادوں پر ہونا چاہیے، حکومت کے ساتھ مذاکرات کا مقصد صرف بانی کی رہائی نہیں بلکہ آئین و قانون کی بالادستی اور انصاف کا حصول ہے۔ایک انٹر ویو میں انہوںنے کہا کہ بانی کی کی ہدایات واضح ہیں کہ اصولوں پر سمجھوتا کیے بغیر بات چیت اور سیاسی معاملات کو آگے بڑھایا جائے،عمران خان کا وژن اور سیاسی موقف وہی ہے جو وزیراعظم بننے کے وقت تھا۔انہوںنے کہا کہ28 ویں آئینی ترمیم اور نئے صوبوں کے قیام سے متعلق ابھی تک مجوزہ آئینی تفصیلات سامنے نہیں آئی ہیں اس لیے اس پر حتمی رائے دینا قبل از وقت ہوگا۔اگر حکومت آئین کے موجودہ طریقہ کار کے تحت نئے صوبے بنانا چاہتی ہے تو اس کے لیے متعلقہ صوبائی اسمبلیوں کی دو تہائی اکثریت کے ساتھ قومی اسمبلی اور سینیٹ کی منظوری بھی درکار ہوگی۔تاہم اگر حکومت نئے صوبوں کے قیام کا طریقہ کار تبدیل کرنا چاہتی ہے تو آئین میں متعدد ترامیم کرنا پڑیں گی جو آئین میں بڑی سرجری ہو گی۔انہوں نے کہا کہ پی ٹی آئی نے 28ویں آئینی ترمیم کو مکمل طور پر مسترد کیا ہے اور نہ ہی قبول کیا ہے، جب مجوزہ ترمیم کی تفصیلات سامنے آئیں گی تو پارٹی ان کا جائزہ لے گی اور اگر اصولوں کے مطابق بات آگے بڑھانے کی گنجائش ہوئی تو مذاکرات بھی کیے جا سکتے ہیں۔عمران خان سے ملاقات میں اس معاملے پر عمومی گفتگو ضرور ہوئی تھی تاہم کسی حتمی فیصلے یا مذاکراتی حکمت عملی کو ابھی حتمی شکل نہیں دی گئی۔پی ٹی آئی کے تنظیمی ڈھانچے اور عمران خان کی جانب سے پارٹی رہنماں کو نئی ذمہ داریاں دینے کے حوالے سے بیرسٹر علی ظفر نے بتایا کہ ملاقات میں انہیں بھی بعض ذمہ داریاں سونپی گئی ہیں تاہم یہ کہنا درست نہیں ہوگا کہ پارٹی میں فوری طور پر کوئی بڑی تنظیمی تبدیلی کی گئی ہے۔پی ٹی آئی کی پارلیمانی پارٹی کا اجلاس پیر کو منعقد ہوگا، جس میں عمران خان کی ہدایات اور سیاسی و پارلیمانی حکمت عملی پر تفصیلی غور کیا جائے گا۔اجلاس کے بعد پارٹی کے آئندہ اقدامات اور فیصلوں کے بارے میں مزید تفصیلات سامنے آئیں گی۔عمران خان کی حالیہ ملاقات میں پارٹی کے قانونی، سیاسی اور تنظیمی معاملات پر اہم رہنمائی حاصل ہوئی ہے، تاہم آئندہ سیاسی حکمت عملی اور فیصلوں کی حتمی شکل پی ٹی آئی کی پارلیمانی پارٹی کے اجلاس میں طے کی جائے گی۔
بریکنگ نیوز
- اے این ایف کا مختلف شہروں میں منشیات اسمگلنگ کیخلاف کریک ڈان
- وفاقی وزیر برائے آبی وسائل کا تربیلا 5 ویں توسیعی منصوبے کا دورہ
- سبزیاں مہنگے داموں فروخت؛ سرکاری نرخ نامہ نظر انداز، شہری پریشان
- لاہور ہائیکورٹ ،بانی پی ٹی آئی کی فارن فنڈنگ کیس سے متعلق 4 سال پرانی درخواست 18نومبر کو سماعت کیلئے مقرر
- پاکستان ہمیشہ بھارت کے تسلط پسندانہ رویے کو مسترد کرتے ہوئے اپنے موقف پر قائم رہا :بھارتی دفاعی تجزیہ کار
- مارکو روبیو کا عالمی فوجداری عدالت پر سخت حملہ’ واشنگٹن کو چیلنج کرنیوالوں کو دھمکی
- امریکہ، آئل ٹینکر کی ٹکر سے مسافر بردار کروز کشتی الٹ گئی، 32 افراد زخمی
- سعودی عرب میں مقیم پاکستانیوں کیلئے لینڈ ریکارڈ سروسز کا آغاز
- پاکستان میں ذیابیطس کے مریضوں کی تعداد ساڑھے 3کروڑ سے تجاوز کرگئی
- جاپان کی جانب سے پولیو پروگرام کیلئے 4.3 ملین امریکی ڈالر کی گرانٹ کا اعلان
- تربیتی پروگرام میں شریک بنگلہ دیش کے 34رکنی اعلیٰ سطحی وفد کا بادشاہی مسجدکا دورہ
- پی ٹی آئی کارکن خدیجہ شاہ کی درخواست پر کل سماعت ہوگی
- کراچی:نیٹی جیٹی سمندر پر سائبریا کے مہمان پرندے خوراک تلاش کررہے ہیں۔
- برطانیہ میں بچوں کے آن لائن جنسی استحصال کے مقدمے میں بھارتی شہری کو 30 سال قید کی سزا
- یورپی یونین کا اسرائیل کیساتھ تجارتی معاہدہ معطل کرنیکی درخواست پر غور شروع
- تھانہ بسال پولیس کا جرائم کی روک تھام کیلئے اہم اقدام
- اقتصادی تعاون تنظیم اجلاس کی کوریج کیلئے اسلام آباد میں میڈیا فسیلی ٹیشن سینٹر کا افتتاح
- آئرلینڈ میں عالمی رہنما بال بال بچ گئے’ گرینڈ ڈنر کے مقام سے بم برآمد
- سہیل آفریدی سمیت 9 اراکین اسمبلی کی حراست آئینی عدالت میں چیلنج
- ممکنہ غفلت پرSHOتھانہ ٹمن سمیت 4پولیس اہلکاروں کو معطل کر دیا گیا
