اسلام آباد (مانیٹرنگ ڈیسک) سابق وزیر داخلہ چوہدری نثار اور پاکستان تحریک انصاف کے چیئرمین عمران خان کے مقامی ریسٹورنٹ میں ملاقات ہوئی ہے۔ نجی ٹی وی کے مطابق عمران خان اور چوہدری نثار رات کا کھانا کھانے کیلئے مقامی ریسٹورنٹ میں گئے تھے وہاں اتفاقیہ طور پر دونوں کی ملاقات ہو گئی اور اس دوران دونوں نے آپس میں کافی لمبی گپ شپ بھی کی۔ واضح رہے کہ سپریم کورٹ کی جانب سے پاناما کیس کا فیصلہ آنے سے ایک روز قبل چوہدری نثار نے پرپس کانفرنس کی اور نواز شریف سے خوب گلے شکوے بھی کیے تاہم انہوں نے یہ بھی واضح اعلان کیا کہ وہ وزارت اور اسمبلی چھوڑ سکتے ہیں لیکن پارٹی نہیں‘ وہ انتہائی سنگین حالات میں کبھی بھی پارٹی کا ساتہ نہیں چھوڑیں گے اور چٹان کی طرح نواز شریف کے آگے کھڑے رہیں گے۔
