لندن (اے پی پی) کرس گیل کو ون ڈے انٹرنیشنل کرکٹ میں سابق بھارتی بلے باز محمد اظہرالدین کے زیادہ رنز کا ریکارڈ توڑنے کیلئے مزید 27 رنز درکار ہیں، اس بات کے قوی امکانات ہیں کہ گیل آج انگلینڈ کےخلاف میچ میں اظہرالدین کا ریکارڈ توڑ دیں گے۔، اگر گیل کامیاب ہوئے تو وہ زیادہ رنز بنانے والے دنیا کے 15 ویں بلے باز بن جائیں گے، اظہرالدین نے 9378 جبکہ گیل نے 22 شاندار سنچریوں کی مدد سے 9352 رنز بنا رکھے ہیں، انہوں نے 247 فلک شگاف چھکے بھی لگا رکھے ہیں، ایک روزہ کرکٹ کی تاریخ میں زیادہ رنز بنانے کا عالمی اعزاز سابق بھارتی بلے باز سچن ٹنڈولکر کو حاصل ہے جنہوں نے 18426 رنز بنائے ہوئے ہیں۔
