اسلام آباد (مانیٹرنگ ڈیسک)قومی اسمبلی میں اپوزیشن لیڈر خورشید شاہ نے کہا ہے کہ نوازشریف ہمیشہ سازشوں میں شریک رہے، آج اپنا بویا ہی کاٹ رہے ہیں ، نوازشریف کی حکومت بچانے کا ٹھیکہ نہیں لے رکھا، چینلز بند کرنے کی کوئی ضرورت نہ تھی نہ اس کا فائدہ ہوا ، الٹا خوف و ہراس پھیلا، ختم نبوت ترمیم ایک تیکنیکی غلطی تھی ، مولوی صاحبان نے اس پر سیاست کی اور کررہے ہیں، ان خیالات کا اظہار انہوں نے نجی ٹی وی کو خصوصی انٹرویو دیتے ہوئے کیا، اپوزیشن لیڈر نے کہا کہ عدلیہ نے نوازشریف کیخلاف درست فیصلہ کیا، گالم گلوچ سے کام نہیں چلے گا، اداروں اور حکومت کا ٹکراو¿ اچھی بات نہیں ہے ، ن لیگ نے پارلیمنٹ کو کمزور کیا ، آج اسے پتہ چلا ہے کہ پارلیمنٹ کو کمزور کرنا غلط تھا، ماڈل ٹاو¿ن پر نجفی رپورٹ آئیں بائیں شائیں ہے ، کسی پر براہ راست الزام نہیں ہے، جانے کیوں پنجاب حکومت اسی کو چھپا کر بیٹھی رہی ، نجفی کمیشن مکمل طور پر بااختیار نہیں تھی اسی لئے اسے مکمل معلومات نہیں مل سکیں، چیئرمین نیب انٹی کرپشن نہ بنیں، نیب چیئرمین بنیں، چھوٹے صوبوں میں تو چھاپے مارتے ہیں ،معمولی کیسز میں گرفتاریاں کرتے ہیں اور اربوں روپے کی لوٹ مار ہو رہی ہے اس طرف نہیں جاتے ، شرجیل میمن کو پکڑ لیتے ہیں ، صفدر کی ضمانت لے لیتے ہیں، عدلیہ اور نیب دہرا معیار ختم کرے ، کیا بڑے کیسز میں ہاتھ ڈالتے عدالیہ اور نیب گھبراتی ہے، قانون سب کیلئے برابر ہوناچاہئے، کرپشن کو سیاست کی نذر کیا جارہاہے ، پارلیمنٹ آج بے بس نظر آتی ہے ، کوئی اس کے پاس نہیں جاتا ، ذرائع اور خرچ میں مطابقت نہیں تو کمپنی کیانوازشریف کی فضول بات تھی، عمران خان کا بڑا دشمن اس کی زبان ہے ، عمران خان کو گالی دینے کی بجائے اپنا منشور دینا چاہئے، تعلیم صحت و دیگر مسائل بارے اپنے پروگرامز دینے چاہیں ، پیپلزپارٹی نے منشور کے مطابق جو بھی پروگرام دیئے ان پر عملدرآمد کیا، این ایف سی ایوارڈ منظور کیا، حکومت 4سال سے اس پر عمل درآمد کیوں نہیں کررہی ، انہوں نے کہا کہ افسو ہے کہ آج نبی پاک نام پرسیاست کی جارہی ہے ، دھرنے والوں کے پیچھے کون تھا اسکا تو ابھی پتہ نہیں تاہم ایک جنرل نے پیسے بانٹ کر خوامخواہ اپنی طرف توجہ کرالی، واپسی کا کرایہ نہیں تھا تو ان کیلئے گاڑیاں بھجوادیتے ، میں کہتا ہوں کہ پاکستان پر رحم کرو، ساری دنیا کی نظریں اس پر ہیں ، پروپیگنڈا ہورہاہے، ریاست بہت کمزور ہوتی جارہی ہے ، نیشنل ڈائیلاگ ہوناچاہئے کہ آگے کیا کرنا ہے ، ختم نبوت ترمیم ٹیکنیکل غلطی تھی جو واپس لے لی گئی ، کوئی مسلمان ایسا نہیں کرسکتا ، یہ وہی مولوی صاحبان ہیں جو 77میں بھی نظام مصطفی تحریک چلانے والے تھے ، کہتے تھے کہ بھٹو کو پھانسی دو، آج بھٹو کاہی نام لیتے ہیں ، ہوا اور پانی آلودہ ہوچکا ہے ، اڑھائی سو ارب کی اورنج ٹرین کے بجائے اگر ڈیم بنالیا جاتا تو فائدہ ہوتا ، پیپلزپارٹی جمہوریت کیلئے لڑے گی اور اسے کسی کو لپیٹنے نہیں دیگی، کیونکہ پاکستان کا مستقبل ، بقا اور ترقی صرف اور صرف جمہوریت میں ہے ، چیف جسٹس نے بالکل ٹھیک بات کی ، وزیراعلیٰ سندھ کی پانی کے معاملہ پر ہنگامی اقدامات کرنے چاہئیں اور وہ کر بھی رہے ہیں، سندھ بارے پروپیگنڈا زیادہ ہوتا ہے ، میڈیا والوں کو دعوت دیتا ہوں کہ میرے ساتھ سندھ چلیں اور خود اپنی آنکھوں سے حقیقت کو دیکھیں۔
