استعفی لیکر وزیر اعلی پنجاب کیوں نہیں آئے ۔۔؟ پیر سیالوی پریشان

ساہیوال، سرگودھا (خصوصی رپورٹ) آستانہ عالیہ سیال شریف کے سجادہ نشین خواجہ محمد حمیدالدین سیالوی نے کہا ہے وزیراعلیٰ شہبازشریف نے کہا تھا رانا ثناءاللہ اور اس کے استعفیٰ کے ساتھ چند روز میں حاضر ہو جاﺅں گا لیکن ابھی تک چند دن ختم نہیں ہوئے، اگر ہمارے مطالبات نہ مانے گئے تو ہم حکومت کی بات بھی نہیں مانیں گے۔ سیال شریف میں علماءمشائخ کنونشن سے خطاب کرتے ہوئے حمیدالدین سیالوی نے کہا ہمارا مقصد حکومت گرانا نہیں، اب رانا ثناءاللہ کے استعفیٰ کی ضرورت نہیں‘ بات اس سے آگے نکل چکی۔ کانفرنس میں پروفیسر اشرف آصف جلالی، حامد رضا، حامد سعید کاظمی، مولانا ابوالخیر زبیر، معظم الحق معظمی، صاحبزادہ ابوالحسن شاہ، پروفیسر سعید احمد، مستعفی ارکان اسمبلی غلام بی بی بھروانہ، مولانا رحمت اللہ، محمد خان بلوچ، نظام الدین سیالوی سمیت سینکڑوں علماءکرام و مشائخ عظام اور درجنوں سجادہ نشینوں نے شرکت کی اور اتفاق رائے سے اعلامیہ جاری کیا کہ حکومت وقت نے ختم نبوت کی شق میں ترمیم کی جسارت کر کے جو ڈاکہ مارا اس کی پرزور مذمت کرتے ہیں۔ شق میں ترمیم کروانے والے پس پردہ افراد کو سامنے لایا جائے، 24دسمبر کو گوجرانوالہ میں بھرپور طریقہ سے ختم نبوت کانفرنس ہو گی۔
حمیدالدین سیالوی