نئی دہلی سابق کرکٹر نوجوت سنگھ سدھونے پاکستان جانے کیلئے بھارتی حکومت کلیئرنس درخواست دید نجی ٹی وی کے مطابق سابق بھارتی کرکٹر نوجوت سنگھ سدھو نے کرتارپورراہداری کی افتتاحی تقریب کیلئے پاکستان آنے کی تیاری پکڑ لی ہے، سابق کرکٹر کی اہلیہ نے کہا کہ نوجوت سنگھ سدھونے پاکستان جانے کیلئے بھارتی حکومت کوکلیئرنس درخواست دیدی ،حکومت سے کلیئرنس اور اجازت ملی تو سدھو افتتاحی تقریب میں شریک ہوں گےواضح رہے کہ سینٹر فیصل جاوید نے وزیراعظم عمران خان کی ہدایت پر سابق کرکٹر نوجوت سنگھ سدھو کو کرتار پور راہداری تقریب میں شرکت کی دعوت دی تھی جو انہوں نے قبول کرلی تھی اور پاکستان آنے کی حامی بھری تھی ،وزیراعظم عمران خان کی دعوت پر سدھو کرتار پورراہداری کی افتتاحی تقریب میں آئیں گے ۔

راولپنڈی پولیس نے 2 دن کی نومولود بچی کو فروخت کرنے کی کوشش ناکام بنادی۔پولیس کے مطابق تھانہ وارث خان میں لیڈی ہیلتھ ورکر نورین کو اقصی نامی خاتون نے بچی دی تھی جسے نورین فروخت کرنے کی کوشش کررہی تھی۔ شہری عمیر نے پولیس کو اس حوالے سے آگاہ کیا جس پر پولیس نے کارروائی کی اور بچی برآمد کرلی۔پولیس نے لیڈی ہیلتھ ورکر نورین کے خلاف مقدمہ درج کرکے تفتیش شروع کردی ہے۔

اسلام آباد: ملک کی دو بڑی اپوزیشن جماعتوں پاکستان مسلم لیگ(ن) اور پاکستان پیپلزپارٹی (پی پی پی) نے جمیعت علمائے اسلام (ف) کے سربراہ مولانا فضل الرحمٰن کے دھرنے میں شرکت نہ کرنے کا فیصلہ کرلیا۔ اس حوالے سے دونوں جماعتوں کے رہنماؤں نے کہا وہ مولانا فضل الرحمٰن کو پہلے ہی آگاہ کرچکے ہیں کہ وہ صرف عوامی جلسے میں شرکت کریں گے اور کسی دھرنے کی حمایت نہیں کریں گے۔اپوزیشن جماعتوں کے رہنماؤں نے بتایا کہ انہوں نے اپنے کارکنوں کو دھرنے میں شرکت سے متعلق کوئی ہدایات بھی جاری نہیں کیں۔اس حوالے سے پاکستان مسلم لیگ (ن) کے سیکریٹری جنرل احسن اقبال نے ڈان کو بتایا تھا کہ ‘ہم صرف ایک دن کے لیے آئے ہیں’۔

پاکستان کے نامور مصنف خلیل الرحمٰن قمر نے ‘صدقے تمہارے’ اور ‘پیارے افضل’ جیسے کامیاب ڈراموں کی کہانیاں تحریر کی ہیں اور ان کی جانب سے لکھا ہوا ڈراما ‘میرے پاس تم ہو’ اس وقت شائقین کے درمیان بے حد مقبول ہورہا ہے۔اس ڈرامے کے حوالے سے ہی حال ہی میں خلیل الرحمٰن قمر نے ایک انٹرویو دیا تھا، جس میں انہوں نے فیمنسٹ اور خواتین کے حقوق کے حوالے سے کئی متنازع بیانات دیے تھے، جس کے بعد انہیں سوشل میڈیا پر شدید تنقید کا نشانہ بنایا گیا۔مزید پڑھیں: ‘خواتین برابری کی بات کرتی ہیں تو مرد کا گینگ ریپ بھی کرلیں’خلیل الرحمٰن قمر کا اپنے انٹرویو میں کہنا تھا کہ ‘میں ہر عورت کو عورت نہیں کہتا، میری نظر میں عورت کے پاس ایک خوبصورتی ہے اور وہ اس کی وفا اور حیا ہے، اگر وہ نہیں تو میرے لیے وہ عورت ہی نہیں’۔انہوں نے یہ بھی کہا تھا کہ ‘اگر خواتین برابری کی بات کرتی ہیں تو وہ بھی مل کر مردوں کا گینگ ریپ کرلیں’۔جس کے بعد پاکستان کے نامور ستارے سوشل میڈیا پر خلیل الرحمٰن قمر کے متنازع بیانات کے خلاف بات کرتے نظر آئے۔اداکار عثمان خالد بٹ کا کہنا تھا کہ ‘مرد کے پاس انکار کرنے کی قابلیت نہیں ہوتی؟ شادی شدہ ہونے کے باوجود افیئر چلانے پر اگر میری بیوی مجھے چھوڑ کر جائے تو میں ہی گلا کروں’۔

نئی دہلی: جرمن چانسلر انجیلا مرکل نے کہا ہےکہ مقبوضہ کشمیر کے عوام غیر مستحکم حالات میں رہ رہے ہیں ور ان میں لازمی بہتری لائی جانی چاہیے۔ جرمن چانسلر انجیلا مرکل نے نئی دہلی کے دورے کے دوران اپنے ہمراہ موجود صحافیوں سے بات کرتے ہوئے کہا تھا کہ وہ نریندر مودی سے ملاقات میں مقبوضہ کشمیر کا معاملہ اٹھائیں گی۔انہوں نے مزید کہا تھا کہ وہ مقبوضہ کشمیر کی سابق ریاست سے متعلق بھارت کی پوزیشن سے آگاہ تھیں اب وہ متنازع علاقے میں امن بحال کرنے سے متعلق بھارتی وزیراعظم کے عزائم جاننا چاہتی ہیں۔انجیلا مرکل نے کہا کہ ‘وہاں موجود افراد کے لیے حالات اس وقت مستحکم نہیں ہیں اور ان میں بہتری لانی چاہیے’۔خیال رہے کہ مقبوضہ کشمیر کی خصوصی حیثیت کے خاتمے کے بعد مقبوضہ وادی میں نئی دہلی کے فیصلے کے خلاف مظاہرے کیے جارہے ہیں۔ارت نے 31 اکتوبر کو مقبوضہ کشمیر کی ریاست کو باضابطہ طور پر دو حصوں میں تقسیم کردیا تھا۔

لاہور(صباح نیوز) ڈاکٹرز نے سروسز ہسپتال میں زیرعلاج سابق وزیراعظم نواز شریف کے پلیٹ لیٹس بہتر ہونے کے باعث مزید ٹیسٹ کرنے کا فیصلہ کیا ہے۔ لاہور کے سروسز ہسپتال میں زیرعلاج سابق وزیراعظم نوازشریف کی صحتبہتری کی طرف گامزن ہے۔ذرائع میڈیکل بورڈ کے مطابق پلیٹ لیٹس کا مسئلہ بہتر ہونے کے باعث نوازشریف کی بلیڈنگ کے خطرات قدرے کم ہو گئے ہیں۔اسپتال انتظامیہ کا کہنا ہے کہ نوازشریف کواسٹیرائیڈز اورشوگر کیلئے انسولین دے رہے ہیں،مگر سابق وزیراعظم کو دل اور گردوں کے سنگین مسائل ہیں۔دوسری جانب نوازشریف کے پلیٹ لیٹس کی تعداد 55 ہزار تک پہنچ چکی ہے جس کے بعد وہ سفر کے قابل ہوگئے،ان کی آئی وی آئی جی کے انجکشن کی تھراپی بھی روک دی گئی ہے۔ تاہم سربراہ میڈیکل بورڈ ڈاکٹر محمود ایاز کا کہنا ہے کہ نواز شریف کو ابھی ڈسچارج نہیں کیا جا سکتا۔ذرائع میڈیکل بورڈ کے مطابق میڈیکل بورڈ روزانہ کی بنیاد پر نواز شریف کا طبی معائنہ کر رہا ہے، اسپتال ذرائع کے مطابق کسی بھی ہنگامی صورتحال کیلئے پی آئی سی میں آپریشن تھیٹر تیار ہے جبکہ نوازشریف کے پلیٹ لیٹس سے متعلق کراچی کے ڈاکٹر طاہر شمسی سے بھی رابطہ ہے۔