اسلام آباد(آئی این پی) چین کے کورلا ائیر بیس پر پاک فضائیہ اور چینی فضائیہ (PLAAF) کی مشترکہ ہوائی مشق شاہین۔VI ، بھر پور طریقے سے جاری ہے۔ پاک فضائیہ کا دستہ پائلٹس، ائیر ڈیفنس کنٹرولرز اور تکنیکی عملے پر مشتمل ہے۔ اس مشق میں پاک فضائیہ کے جے ایف 17 تھنڈر، میراج اور ایف سیون پی جی اورZDK طیاروں کے علاوہ پیپلزلبریشن آرمی ائےرفورس کےJ-8, J-11, JH-7 اور KJ-200 AWACSطیارے بھی حصہ لے رہے ہیں۔ ان مشقوں سے دونوں ممالک کے درمےان بالعموم اور دونوں فضائی افواج کے درمےان بالخصوص تعاون کو فروغ حاصل ہو گا۔ پاک فضائیہ اپنے فضائی اور زمینی دستوں کی جنگی اور عملی تیاریوں کے سلسلے میں با قاعدگی سے دوست ممالک کے ساتھ اندرون اور بیرونِ ملک اسطرح کی مشقوں کا انعقاد کرتی ہے ۔فضائی مشق ”شاہین۔VI“ چینی فضائیہ کے ساتھ ہونے والی فضائی مشقوں کے سلسلے کی چھٹی مشق ہے جو کہ ہر سال دونوں ملکوں میں باری باری منعقد ہوتی ہیں۔ گزشتہ سال پاکستان کے ایک آپریشنل ائیر بیس پر منعقد ہونے والی شاہین ۔V مشقو ں میں چینی فضائیہ کے دستے نے شمولیت کی تھی۔

کراچی (آن لائن)کراچی میں خوف کے سیاہ بادل پھر منڈلانے لگے ۔بانی متحدہ اور سربراہ متحدہ لندن کے حق میں ایک بار پھر شہر کے مختلف علاقوں میں چاکنگ کردی گئی ۔تفصیلات کے مطابق بدھ اورجمعرات کی درمیانی شب کراچی کے کئی علاقوںمیں الطاف حسین کے حق میں چاکنگ کی گئی ہے ،ٹاسک اے پی ایم ایس ولندن کے کارکنوںکودیاگیا،بانی ایم کیوایم کے حق میں چاکنگ نیوکراچی ،نارتھ کراچی ،گلشن اقبال ،لانڈھی کورنگی سمیت کئی علاقوںمیں کی گئی ،چاکنگ میں ایم کیوایم بانی کوسالگرہ کی مبارکبادپیش کی گئی ،ذرائع کے مطابق مذکورہ چاکنگ میں اے پی ایم ایس او ایم کیوایم لندن کے کارکنان ملوث ہیںاورکراچی یونیورسٹی ،سرسیدیونیورسٹی کے کارکنان کی جانب سے ایم کیوایم قائد کی سالگرہ کے حوالے سے تیاریاںکی جارہی ہیں۔

لاہور (پ ر) بین الاقوامی شہرت یافتہ دنیا کے سب سے مشہور آسٹرو پامسٹ پروفیسر فضل کریم خان نے تازہ ترین پیش گوئی کرتے ہوئے کہا ہے کہ نوازشریف کا برج جدی ستارہ زحل ہے۔ جو کہ دسمبر 2017ءتک انتہائی مشکلات تک کا شکار رہے گا۔ تھوڑے ٹائم کیلئے 3 ماہ 10 دن کے لئے یہ جیل جائے گا اور اس کے بعد قدرتی طور پر اس کا ستارہ گردش سے نکل جائے گا اور اس کی نااہلی ختم ہو جائے گی اور پروفیسر فضل کریم خان نے ایف۔آئی بی نیٹ ورک کے رپورٹر سے بات کرتے ہوئے کہا ہے کہ 2018ءن لیگ کا نام اگر تبدیل ہو گیا تو بھاری اکثریت سے جیت جائے گی۔ پی پی پی اور پی ٹی آئی دونوں پارٹیاں الگ الگ الیکشن لڑیں گی جو دونوں پارٹیاں ہار جائیں گی۔ بیگم کلثوم الیکشن جیت جائیں گی۔ حلقہ 120 سے بڑی لیڈ لے کر جیتیں گی۔ حمزہ شہباز، چودھری نثار اور بیگم کلثوم اکٹھے ہو جائیں گے۔ خواجہ آصف، سعد رفیق اور طلال چودھری دانیال عزیز کو 1 سال 6 ماہ قید کاٹیں گے۔ اس کے بعد دوبارہ رہا ہو کر اپنے اپنے حلقے میں اہم مقام حاصل کریں گے۔ ایف آئی بی نیٹ ورک کے رپورٹر سے باتیں کرتے ہوئے انہوں نے کہا ہے کہ شیخ رشید اگر اپنی پارٹی فعال بنائیں تو وزیراعظم بن سکتے ہیں۔ دوسری پارٹیاں چھوڑ دیں۔ شہباز شریف کی اہلیہ تہمینہ درانی کو اچانک بڑا سیاسی عہدہ ملے گا 2019ءسے پہلے واضح رہے پروفیسر فضل کریم خان کی اس سے پہلے سینکڑوں پیشن گوئیاں درست ہوئیں۔

اسلام آباد(ویب ڈیسک)پاکستانی آرمی چیف جنرل قمر جاوید باجوہ اس وقت پاکستان کے مقبول ترین فرد سمجھے جاتے ہیں، ان کے حالات زندگی سے بہت کم لوگ واقف ہیں۔ آرمی چیف جنرل قمر جاوید باجوہ 11نومبر کو 1960کو پاکستان کے صوبہ سندھ کے دارالحکومت کراچی میں پیدا ہوئے۔آپ نے 1978میں پاک فوج میں کمیشن حاصل کیا اور 24اکتوبر1980کو 16بلوچ رجمنٹ پنجاب کے شہر سیالکوٹ میں شمولیت اختیار کی۔آپ کا قد چھ فٹ ایک انچ ہے اور آرمی جرنیلوں میں دراز قد سمجھے جاتے ہیں۔آرمی چیف کے عہدے تک پہنچتے آپ کی عمر 57برس تھی۔ آپ کا ذاتی گھر پاکستان کے صوبہ پنجاب کے شہر راولپنڈی میں واقع ہے۔اس وقت آپ کی پاک فوج میں تنخواہ ایک لاکھ 40ہزار علاوہ دیگر مراعات ہے۔آپ کینیڈین کمانڈ اینڈ سٹاف کالج کینیڈا سے گریجویٹ ہیںجبکہ پوسٹ گریجویشن آپ نے نیول سکول این مونیٹوری کیلفورنیا امریکہ سے کی، آپ کے دو بیٹے ہیں۔