نیا اپوزیشن لیڈر،اہم انکشاف

اسلام آباد (مانیٹرنگ ڈیسک) عوامی مسلم لیگ کے سربراہ شیخ رشید کا کہنا تھا کہ مجھے اپوزیشن لیڈر بنانے کے لئے رابطہ کیا گیا تھا لیکن میں نے انکار کر دیا۔ نجی چینل کے پروگرام میں گفتگو کرتے ہوئے شیخ رشید کا کہنا تھا کہ عمران خان کو بھٹو کی طرح کوئی کرپٹ نہیں کہہ سکتا۔ اسحاق ڈار کے معاملے پر ان کا کہنا تھا کہ انہوں نے ایک ہزار 242 ملین اپنے اکاونٹس میں منتقل کیے۔ نواز شریف کو اس جگہ پہنچانے والی مریم نواز ہیں۔ شیخ رشید کا کہنا تھا کہ وہ اکیلے ہی حدیبیہ کیس لائے ہیں، حدیبیہ پیپر مل کیس میں دونوں شریف برادران اور بچے شامل ہیں۔ سیاسی صورتحال پر پیش گوئی کرتے ہوئے ان کا کہنا تھا کہ آیندہ چار مہینے بہت اہم ہیں، سڑکوں کی سیاست ختم اور آئین وقانون کی سیاست دیکھ رہا ہوں۔