اسلام آباد(ویب ڈیسک)ریسلنگ انٹرٹینمینٹ انڈسٹری میں ڈبلیو ڈبلیو ای سرفہرست اور بڑا نام سمجھا جاتا ہے۔ پہلوانی کے شوقین افراد کا خواب ہوتا ہے کہ وہ کسی طرح ڈبلیو ڈبلیو ای کے پہلوانوں کے سکواڈ کا حصہ بن کر نہ صرف دنیا بھر میں شہرت حاصل کریں بلکہاپنی طاقت کی دھاک بھی بٹھائیں۔ ڈبلیو ڈبلیو ای میں تاحال ایک مرد پاکستانی ریسلر بادشاہ خان منظر عام پر ا?چکے ہیں۔ پاکستان جیسے ملک کی خواتین کا سپورٹ کی جانب آنا کسی معجزے سے کم نہیں سمجھا جاتا اور وہ بھی ریسلنگ جیسے پہلوانوں کے کھیل میں مگر یہ معجزہ اب ہو چکا ہے اور ایک پاکستانی خاتون نے پرو ریسلنگ میچ میں اپنے مد مقابل پہاڑ جیسی خاتون ریسلر کو ایسا پٹخا کہ ہال میں موجود شائقین بے اختیار تالیاں پیٹنے اور سیٹیاں بجانے پر مجبور ہو گئے۔ ویڈیو میں دیکھا جا سکتا ہے کہ شلوار قمیض میں ملبوس یہ پاکستانی خاتون اپنے مدمقابل پہاڑ جیسی خاتون کے مقابلے میں اتری تو اس پہاڑ جیسی پہلوان نے اسے پہلے ہی وار میں پٹخ دیا جس کے بعد پاکستانی خاتون کے جسم میں تو جیسے بجلیاں بھر گئیں۔ شلوار قمیض میں ملبوس ہونے کے باوجود اس پہاڑ جیسی مدمقابل پہلوان کو گولڈ برگ کے انداز میں اپنے کوپنز پر اٹھا اٹھا کر رنگ میں ایسی پٹخنیاں دیں کہ وہاں موجود دیگر ریسلر حالت خراب ہونے پر پاکستانی خاتون پہلوان کی مدمقابل پہاڑجیسی پہلوان کی مدد کیلئے پہنچ گئے اور مقابلے کو درمیان میں ہی روک دیا گیا۔
دنیا کی مشہور ترین ڈبلیو ڈبلیو ای میں پاکستانی خاتون ریسلر کی ویڈیو وائرل،دیکھنے والے دنگ رہ گئے
