لندن(یو این پی) پاکستانی آل راو¿نڈر بلاول بھٹی ایک مرتبہ پھر انگلینڈ کے ہیم ہیتھ کلب کی سیزن دوہزار سترہ میں نمائندگی کریں گے۔ وہ دوہزار تیرہ اور دوہزار پندرہ میں بھی مذکورہ کلب کی جانب سے کھیل چکے ہیں۔ انہوں نے مختصر سیزن میں 42 وکٹیں حاصل کی تھیں۔

دبئی (آئی این پی)جنوبی افریقہ کی کرکٹ ٹیم کے کپتان فاف ڈوپلیسی پر آسٹریلیا کے خلاف دوسرے کرکٹ ٹیسٹ میچ کے دوران بال ٹیمپرنگ یا گیند کی شکل خراب کرنے کا الزام عائد کیا گیا ہے ۔آئی سی سی کی جانب سے جمعے کو جاری ہونے والے بیان کے مطابق ڈوپلیسی کو انٹرنیشنل کرکٹ کونسل کے ضابط اخلاق کی لیول ٹو کی خلاف ورزی کا الزام ہے اور انھیں ایک مصنوعی ذریعے سے گیند کی شکل کی تبدیلی کا ملزم قرار دیا گیا ہے۔آئی سی سی کے مطابق ڈوپلیسی نے اس الزام کو تسلیم کرنے سے انکار کیا ہے اور اب اس معاملے کی سماعت آئی سی سی کے میچ ریفری اینڈی پائی کرافٹ کریں گے۔ضابط اخلاق کی لیول ٹو کی خلاف ورزی کی سزا 50 سے 100 فیصد تک میچ فیس کی بطور جرمانہ ادائیگی ہے جس کے علاوہ کھلاڑی کو معطلی کا سامنا بھی کرنا پڑ سکتا ہے۔ڈوپلیسی ماضی میں بھی بال ٹیمپرنگ کرنے پر نصف میچ فیس بطور جرمانہ ادا کر چکے ہیں۔ یہ واقعہ سنہ 2013 میں پاکستان کے خلاف دوسرے کرکٹ ٹیسٹ میں پیش آیا تھا۔اس وقت انھیں گیند کو اپنے پاجامے کی جیب کی زپ سے رگڑتے ہوئے دیکھا گیا تھا اور امپائرز نے موقع پر جنوبی افریقہ کو پانچ رنز کی پنلٹی دیتے ہوئے گیند تبدیل کر دی تھی۔تاہم اس موقع پر ڈوپلیسی نے اپنی غلطی تسلیم کر لی تھی۔

ویشاکھا پٹنم(اے پی پی) سٹار انگلش بلے باز جوروٹ نے ٹیسٹ کرکٹ میں ہم وطن بلے بازوں پال کالنگ ووڈ اور روبن سمتھ کے زیادہ رنز کا ریکارڈ توڑ دیا، روٹ اس کے ساتھ ہی پانچ روزہ میچز میں زیادہ رنز بنانے والے 30ویں انگلش بلے باز بن گئے ہیں۔

کراچی (نیوز ایجنسیاں) سابق کپتان قومی کرکٹ ٹیم محمد حفیظ نے کہا ہے کہ میں کسی باﺅلنگ ٹیسٹ میں ناکام نہیں ہوا ہوں،آف سپنر کی ہر ورائٹی میرے نئے باﺅلنگ ایکشن میں ہوگی۔ سابق کپتان قومی کرکٹ ٹیم محمد حفیظ نے میڈیا سے گفتگو کرتے ہوئے کہا ہے کہ میں کسی باﺅلنگ ٹیسٹ میں ناکام نہیں ہوا ہوں،ہمیشہ پاکستان کی خدمت کرنے کی کوشش کی ہے،آف سپنر کی ہر ورائٹی میرے نئے باﺅلنگ ایکشن میں ہوگی،میری بیٹنگ کے ریکارڈز موجود ہیں،پی سی بی پینل نے میری فٹنس دو ماہ قبل کلیئر کردی تھی، بورڈکے ہاتھ میں ہے وہ جب چاہے مجھے کھلائے۔ میرے باﺅلنگ ایکشن کی ناکامی بارے خبریں غلط ہیں،برائے مہربانی ٹھیک خبریں چلائی جائیں۔

کرائسٹ چرچ( آن لائن )قومی ٹیم کے فاسٹ باو¿لر محمد عامر نے 6سال بعد ٹیسٹ کرکٹ میں اپنی پہلی نو بال کردی۔ محمد عامر 2010ء کے دورہ انگلینڈ کے دوران سپاٹ فکسنگ سکینڈل میں ملوث ہوکر نو بال کروانے کے جرم میں 5سال کیلئے کرکٹ سے باہر کردیئے گئے تھے۔ اور گزشتہ سال ستمبر میں ہی ان کی واپسی ممکن ہوسکی ہے انٹرنیشنل کرکٹ میں واپسی کے بعد محمد عامر کافی محتاط نظر آرہے ہیں تاہم نیوزی لینڈ کیخلاف پہلے ٹیسٹ میں اپنے گیارہوں اورز میں تین نو بالز کروا ڈالیں ۔