اسلام آباد(خصوصی رپورٹ) وزیراعظم نواز شریف نے عسکری قیادت سے مشاورت کے بعد گورنر سندھ کو ہٹانے کا فیصلہ کیا۔صدر ممنون حسین نے جسٹس(ر) سعید الزماں صدیقی کو گورنر لگانے کا مشورہ دیا۔سیاسی حکومت کی رائے تھی کہ اب گورنر سندھ کو ہٹانے سے کراچی آپریشن پر کوئی فرق نہیں پڑے گا۔ماضی میں عسکری قیادت نے کراچی آپریشن کے متاثر ہونے کے پیش نظر عشرت العباد کو ہٹانے سے منع کیا تھا۔حکومت نے حال ہی میں موقف اختیار کیا کہ اگر وزیر اعلی سندھ کی تبدیلی سے کراچی آپریشن متاثر نہیں ہوا تو اب گورنر کی تبدیلی سے بھی کچھ نہیں ہوگا۔وزیر داخلہ چوہدری نثار نے عسکری و سیاسی قیادت میں پل کا کردار ادا کیا۔حکومت کے قریبی ذرائع نے بتایا ہے کہ وزیراعظم نے دو ہفتے قبل عشرت العباد کو گورنر کے عہدے سے ہٹانے کا حتمی فیصلہ کرلیا تھا۔جس کے بعد عسکری قیادت سے مشاورت کا سلسلہ جاری تھاکیونکہ تین سال قبل بھی نوازشریف عشرت العباد کو گورنر کے عہدے سے ہٹانا چاہتے تھے مگر عسکری قیادت نے کراچی آپریشن کے دوران گورنر سندھ کو نہ ہٹانے کا مشورہ دیا تھا۔اس لئے حالیہ تبدیلی سے قبل عسکری حکام سے طویل مشاورت کی گئی جس کے بعد گورنر سندھ عشرت العباد کو عہدے سے ہٹایا گیا ہے۔

لاہور (خصوصی رپورٹ)لاہور ہائیکورٹ کے جسٹس عبدالسمیع خان کی سربراہی میں قائم ڈویژن بینچ نے شادی شدہ خاتون کو جعلی عریاں تصاویر بناکر اسے فیس بک پر بلیک میل کرکے بھتہ مانگنے والے سکول ٹیچر کی عبوری ضمانت خارج کردی۔ جبکہ گرین ٹاﺅن پولیس نے ملزم منور کو احاطہ عدالت سے گرفتار کرلیا۔گزشتہ روز عدالت نے دوران سماعت ریمارکس دیئے کہ ایسے گھناﺅنے واقعات میں ملوث ملزم کسی رعایت کے مستحق نہیں۔قبل ازیں درخواست گزار ملزم منور کی جانب سے موقف اختیار کیا گیا کہ وہ سرکاری سکول ٹیچر ہے،اس کا واقعہ سے کوئی تعلق نہیں،مرکزی ملزم اس کا بھائی کرامت ہے۔محکمہ پراسیکیوشن کی طرف سے ڈپٹی پراسیکیوٹر جنرل خرم نے مقدمہ کا ریکارڈ عدالت میں پیش کرتے ہوئے بتایا کہ مرکزی ملزم کرامت نے اپنی بہن سے ملکر گرین ٹاﺅن کی رہائشی شادی شدہ خاتون کی تصاویر حاصل کیں اور پھر ردو بدل کرکے انہیں عریاں بنایا اور فیس بک پر جعلی اکاﺅنٹ بنا کر اپ لوڈ کردیا۔کرامت نے متاثرہ خاتون کو بلیک میل کرکے رقم منور کے بینک اکاﺅنٹ میں منگوائی ،یہ تمام ملزم تفتیش میں قصور وار قرار دئیے گئے۔

گجرات (حسام الدےن کرامت) جلالپورجٹاں مےں ماورائے قانون پنچائےت، زےادتی کے ملزم کی بےٹی سے زےادتی کے حکم کے نتےجہ مےں حاملہ ہونےوالی خاتون کی سسرال مےںآگ لگا کر خود کشی، سوئی ہوئی پولےس مےں کھلبلی۔ تفصےلات کے مطابق تھانہ صدر جلالپورجٹاں کے نواحی گاﺅں ڈھلو غربی میں پنچائتی فیصلے میں شادی شدہ خاتون ماریہ لیاقت کے ساتھ زیادتی کرنے پر محمد بوٹا کے خلاف حدود آرڈینس کے تحت مقدمہ درج ہوا، اےف آئی آرکے مطابق ماریہ لیاقت کے باپ لےاقت نے ملزم محمد بوٹا کی بےٹی کے ساتھ زیادتی کرنے کی کوشش کی تھی جسکے خلاف مقدمہ درج ہوا اور وہ جیل گیا بعدازاں گاﺅں میںراضی نامہ کےلئے پنچائیت بیٹھی کہ اب محمد بوٹا اُس وقت کے ملزم لیاقت کی لڑکی ماریہ کے ساتھ زیادتی کرے تو معاملہ صاف ہوسکتا ہے جس پر ماریہ لیاقت کے ساتھ محمدبوٹانے زیادتی کی اور وہ حاملہ ہوگئی،بعد ازاں18اکتوبرکو مارےہ لےاقت زوجہ جاوےد اقبال سکنہ ہزاری برنالہ نے خود کو آگ لگالی جس سے وہ بری طرح جھلس گئی جسے انتہائی تشوےشناک حالت مےں مےوہسپتال لاہور منتقل کےا گےا، جہاں مارےہ لےاقت کا بےان قلمبند کےا گےا کہ اس کا خاوند بےرون ملک تھا اوروہ اےک سال سے اپنے مےکے رہ رہی تھی اسی دوران اسکے والد لےاقت علی نے 5,6 سالہ لڑکی سے زےادتی کی کوشش کی جسکے نتےجہ مےں اسکا والد گرفتار ہو گےا اور جےل سزا کاٹ رہاتھا۔راضی نامہ کے سلسلہ مےں پنچائےت نے فےصلہ کےا کہ متاثرہ لڑکی کا والدمحمدبوٹاملزم کی بےٹی کے ساتھ زناءکرےگا ،زناءکے نتےجہ مےں مارےہ لےاقت حاملہ ہو گئی۔جس نے18اکتوبر کی سہ پہر اپنے سسرال مےں غےرت اور شرم کے باعث کے اسکے خاوند کو وقوعہ بارے پتہ چل گےا ہے اپنے آپ کو آگ لگا کر اقدام خود کشی کےا۔ تحقیقات کے بعد ایس ایچ او صدر جلالپورجٹاں جمیل قیصر کی رپورٹ پرگزشتہ روز ملزم محمد بوٹا کے خلاف مقدمہ درج کرلیا ہے۔ تھانہ صدر جلالپورجٹاں کے نائب محررنعمان کے مطابق متاثرہ مارےہ گذشتہ روززخموں کی تاب نہ لاتے ہوئے لاہورمےں دم توڑگئی۔ جبکہ فی الوقت کسی بھی ملزم کی گرفتاری عمل مےں نہےںآئی۔

لاہور (کرائم رپورٹر) مطالبات کی منظوری تک دھرنا جاری رہے گا۔ ماڈل روڈ کلب چوک پر ینگ ڈاکٹرز کا چوتھے روز بھی احتجاج جاری‘ شہری خوار‘ مریض پریشان۔ تفصیل کے مطابق میوہسپتال میں مریض کے لواحقین کے ساتھ بدتمیزی کرنے پر محکمہ ہیلتھ نے کارروائی کرتے ہوئے دو ڈاکٹرز کو معطل کردیا تھا‘ جس کے بعد ینگ ڈاکٹرز نے ساتھیوں کو دھمکی کیخلاف احتجاج کرتے ہوئے میوہسپتال کی ایمرجنسی کو بند کرتے ہوئے آپریشن تھیٹر کو بھی تالے لگا دیئے جس کے نتیجہ میں گزشتہ روز ڈیڑھ سالہ بچی سمیت ایک بزرگ بروقت طبی امداد نہ ملنے کے باعث دم توڑ گیا‘ جس پر حکومت پنجاب نے احتجاجی ڈاکٹرز اور نرسوں کے خلاف کارروائی کرتے ہوئے انہیں نوٹس جاری کردیئے۔ آج صبح چوتھے روز بھی ینگ ڈاکٹرز کی طرف سے ساتھیوں کی بحالی کے لئے دھرنا جاری رہا‘ جس کے باعث سکول کالج جانے والے طلبا و طالبات راستہ بند ہونے کی وجہ سے شدید مشکلات کا شکار رہے جبکہ ہسپتال میں آنے والے مریض ڈاکٹرز اور نرسوں کی عدم موجودگی کے باعث پرائیویٹ ہسپتالوں کا رخ کرنے پر مجبور رہے۔