نیو دہلی(نیوزایجنسیاں)لودھا پینل کی جانب سے عائد پابندیوں میں نرمی کے بعد ہندوستانی کرکٹ بورڈ نے انگلینڈ کے خلاف ٹیسٹ میچ نہ کھیلنے کی دھمکی واپس لے لی ہے۔انڈین کرکٹ بورڈ(بی سی سی آئی) نے انگلینڈ کے خلاف ٹیسٹ میچ شروع ہونے سے چند گھنٹے قبل دھمکی دی تھی کہ اگر عدلیہ نے مالی معاملات کی ادائیگی پر پابندی کے فیصلے کو واپس نہ لیا تو وہ انگلینڈ کے خلاف پہلا ٹیسٹ میچ نہیں کھیلیں گے۔گزشتہ ماہ ہندوستانی سپریم کورٹ نے فیصلہ جاری کیا تھا کہ ٹیسٹ میچوں کی میزبانی کرنے والی ریاستوں کو فنڈز جاری کرنے سے قبل بورڈ کو اس کے انتظامی معاملات کی تفتیش کرنے والے خصوصی پینل سے منظوری لینی ہو گی۔لودھا کمیٹی کی چند اہم سفارشات پر عملدرآمد سے انکار کے بعد کمیٹی نے ایسوسی ایٹ ریاستوں کو دو خصوصی رقوم کی ادائیگی سے روک دیا تھا۔

تاہم کمیٹی نے کہا کہ میچز کے انعقاد سمیت دیگر امور کی انجام دہی کیلئے رقم کا استعمال کیا جا سکتا ہے۔تاہم راجکوٹ میں بدھ سے شروع ہونے والے ٹیسٹ میچ سے قبل اعلیٰ عدلیہ میں ایک درخواست دائر کی گئی ہے جس میں ہدنوستانی کرکٹ بورڈ نتے موقف اختیار کیا گیا ہے کہ اس حکم نامے کا مطلب یہ ہے کہ میچ کے اخراجات کا احاطہ کرنا ناممکن ہے۔درخواست میں مزید کہا گیا ہے کہ جب تک بورڈ کو رقم فراہم نہیں کی جاتی۔، اس وقت تک ہندوستان اور انگلینڈ کے درمیان میچ کا انعقاد نہیں ہو سکتا۔کئی گھنٹوں تک درخواست کا جائزہ لینے کے بعد عدالت نے سابقہ حکمنامے کو رد کرتے ہوئے بی سی سی آئی کو راج کوٹ میں ٹیسٹ میچ کے انعقاد کیلئے 58 لاکھ روہے تک فوری رسائی دے دی ہے۔اس کے ساتھ ساتھ اگلے چار ٹیسٹ میچوں کے اخراجات کیلئے بھی رقم استعمال کرنے کی اجازت دے دی ہے لیکن ساتھ ساتھ اکاو¿نٹس میں اندراج کرتے رہیں کیونکہ پینل اس کی جانچ پڑتال کرتا رہے گا۔ہندوستان کے چیف جسٹس ٹی ایس ٹھاکرنے جسٹس آر ایم لودھا کی سربراہی میں ایک کمیشن قائم کرتے ہوئے بی سی سی آئی میں اصلاحات کے لیے تجاویز پیش کرنے کی ہدایت کی تھی۔سیاستدانوں اور کاروباری شخصیات کی جانب سے چلائے جانے والے دنیا کے امیر ترین کرکٹ بورڈ کے نظام میں شفافیت کی کمی کی وجہ سے تنقید کا نشانہ بنایا جاتا رہا ہے اور بورڈ کے معاملات پر نظر رکھنے کیلئے لودھا کمیٹی کے نام سے بنائے تین رکنی پینل کی جانب سے دی گئی اکثر سفارشات کو جولائی میں سپریم کورٹ نے منظور کر لیا تھا لیکن بی سی سی آئی نے اکثر سفارشات کو مسترد کردیا تھا۔تاہم ہندوستان کی سپریم کورٹ نے احکامات پر عمل نہ کرنے پر بورڈ آف کرکٹ کنٹرول انڈیا (بی سی سی آئی) کو شدید تنقید کا نشانہ بناتے ہوئے کہا تھا کہ بی سی سی آئی سمجھتا ہے کہ یہ ان کا اپنا قانون ہے، ہم اپنے احکامات پر عمل درآمد کروانا جانتے ہیں، بی سی سی آئی سمجھتا ہے کہ وہ مالک ہے، بہتر ہے کہ بی سی سی آئی خود سدھر جائے یا ہم سدھاریں گے’۔منگل کو دائر کی گئی درخواست کو چیلنج کرتے ہوئے لودھا پینل نے کہا کہ بی سی سی آئی ہماری سفارشات پر عمل نہ کر کے توہین عدالت کا مرتکب ہو رہا ہے۔ہندوستان کے سابق چیف جسٹس راجیندر مال لودھا کی زیر سربراہی قائم تین رکنی پینل نے انڈین بورڈ میں بڑے آفیشلز کی عمر اور مدت ملازمت کی حد مقرر کرنے کے ساتھ ساتھ انہیں لگاتار دو مرتبہ ایک ہی عہدے پر منتخب کرنے کی پابندی عائد کرنے کی سفارشات کی تھیں۔گزشتہ ماہ عدالتی فیصلے کے بعد بھی کچھ ایسے ہی صورتحال پیدا ہوئیتھی جس سے ہندوستان اور نیوزی لینڈ کے درمیان جاری سیریز پر خدشات کے بادل منڈلانے لگے تھے لیکن سیریز شیڈول کے مطابق اختتام پذیر ہوئی۔انگلینڈ اور ہندوستان کے درمیان پانچ ٹیسٹ میچوں کی سیریز شیڈول ہے جس کے بعد نئے سال میں محدود اوورز کے میچز بھی کھیلئے جائیں گے۔دونوں ٹیمیں بدھ سے شیڈول پہلے ٹیسٹ میچ کیلئے راج کوٹ میں موجود ہیں اور منگل کو دونوں ٹیموں کے کپتان پریس کانفرنس سے بھی خطاب کریں گے۔

لاہور(سپورٹس ر پو ر ٹر ) پی سی بی گورننگ بورڈ کے چیئرمین نجم سیٹھی نے کہا ہے کہ چیمپیئنز ٹرافی کے حوالے سے بھارتی بورڈ کے چیئرمین سے دو ٹوک بات کی،بھارت اگر شریک نہیں ہوتا ہے تو پاکستان کو 2پوائنٹس مل جائیں گے۔میڈیاکے مطابق پی سی بی گورننگ بورڈ کے چیئرمین نجم سیٹھی نے کہا ہے کہ چیمپیئنز ٹرافی کے حوالے سے بھارتی بورڈ کے چیئرمین کے انوراگ ٹھاکرے سے دو ٹوک بات کی،میری بات سن کر وہ خاموش ہوگئے،بھارت اگر شریک نہیں ہوتا ہے تو پاکستان کو 2پوائنٹس مل جائیں گے۔انہوں نے کہا ہے کہ پاکستان سپر لیگ سے حاصل ہونے والا منافع پی سی بی کی ملکیت ہو گا،2 ارکان پی سی بی سے باہر کے ہوں گے،ووٹنگ رائٹ پی سی بی ارکان کو حاصل ہو گا،پی ایس ایل کمپنی میں7ممبرز شامل ہوں گے،پی ایس ایل میں پی سی بی کے 3ارکان ہوں گے،دنیا کے بڑے بورڈز کی لیگز پرائیوٹ سیکٹرز میں ہی کام کر رہی ہیں۔

آکلینڈ(آئی این پی)قومی ٹیسٹ ٹیم کے کپتان مصباح الحق نے کہا ہے کہ ویسٹ انڈیز کیخلاف شارجہ ٹیسٹ میں ناکامی کو بھلا کر دوبارہ ابھرنے کی کوشش کریں گے ، ویسٹ انڈیز کیخلاف ناکامی کے بعد معیار حرکت ضرور کھو بیٹھے مگر نئے سرے سے بانس بیک کریں گے جس کی پاکستانی کھلاڑیوں میں اہلیت بھی ہے ، نیوزی لینڈ کے فاسٹ ٹریکس قومی بیٹسمینوں کیلئے سخت چیلنج ہو سکتے ہیں البتہ پاکستانی سکواڈ بھی کافی متوازن ہے ۔ کپتان مصباح الحق کا کہنا ہے کہ 17نومبر کو کرائسٹ چرچ میں کھیلے جانے والے ٹیسٹ سے قبل ان کی تیاریاں مکمل ہو جائیں گی اور انہیں پوری امید ہے کہ ویسٹ انڈیز کیخلاف شارجہ ٹیسٹ میں ناکامی کو فراموش کر کے پاکستانی کھلاڑی باﺅنس بیک کرنے میں کامیاب ہو جائیں گے ۔ اگرچہ کہ ویسٹ انڈیز کیخلاف کامیاب ترین سیریز کا خاتمہ شکست پر ہوا لیکن مصباح الحق کو توقع ہے کہ ان کے ساتھی کھلاڑی پلٹ کر وار کرنے کی بھرپور اہلیت رکھتے ہیں ۔ انہوں نے اس بات کا اعتراف کیا کہ انہیں ایک سخت سیریز کا چیلنج درپیش ہے لیکن وہ اس بات کو پہلے ہی ثابت کر چکے ہیں کہ دنیا کی کسی بھی ٹیم کو کسی بھی جگہ شکست دی جا سکتی ہے ۔ انہوں نے تسلیم کیا کہ ویسٹ انڈیز کیخلاف شارجہ ٹیسٹ کی ناکامی کے سبب ان کی ٹیم معیار حرکت کھو بیٹھی کیونکہ یہ ناکامی کسی صدمے سے کم نہیں تھی لیکن توقع ہے کہ پاکستانی کھلاڑی بانس بیک کرنے میں کامیاب رہیں گے ۔ پاکستان کرکٹ بورڈ کے ترجمان نے بھی کپتان کو حوصلہ دیتے ہوئے اس بات کی وضاحت کی ہے کہ پاکستانی ٹیم دورے میں بہترین کھیل کا مظاہرہ کرے گی ۔ ان کا کہنا تھا کہ پاکستانی بیٹسمینوں کیلئے نیوزی لینڈ کے فاسٹ ٹریکس کسی حد تک ایک سخت امتحان بھی ثابت ہو سکتے ہیں لیکن پاکستانی سکواڈ بھی کافی حد تک متوازن ہے جو نیوزی لینڈ اور آسٹریلیا کی کنڈیشنز میں بہترین انداز سے سامنے آنے کی بھرپور صلاحیت رکھتا ہے ۔ ان کا کہنا تھا کہ پاکستانی فاسٹ باﺅلنگ اٹیک پر نگاہ ڈالی جائے تو وہ بھی کسی سے کم نہیں کیونکہ وہاب ریاض اور محمد عامر بھی نیوزی لینڈ کی تیز وکٹوں کا فائدہ اٹھا کر کیوی بیٹسمینوں کیلئے مشکلات کھڑی کر سکتے ہیں ۔

لاہور(آئی ا ین پی) دوسری پاکستان سپرلیگ کا فائنل لاہور میں ہو نے کے امکانات روشن ہوگئے ہیں، جس کا گزشتہ ماہ پی سی بی کی ایگزیکٹو کمیٹی کے چیئرمین نجم سیٹھی اعلان کرچکے ہیںتاہم اس حوالے سے غیرملکی کھلاڑیوں کے راضی ہونے کے بارے میں خدشات موجودہیں۔باوثوق ذرائع نے دعویٰ کیاہے کہ پاکستان سپر لیگ کے دوسرے ایڈیشن کے لئے غیر ملکی کھلاڑیوں نے معاہدوں پر دستخط کر دئیے ہیں جس کے مطابق غیر ملکی کھلاڑیوں کی اکثریت فائنل کھیلنے کے لئے لاہور آنے کو تیارہے ۔پی ایس ایل فائنل سیکیورٹی کلیئرنس کے بعد کھلاڑیوں نے پاکستان آنے کی یقین دہانی کر ادی ۔کہاجارہاہے کہ پی ایس ایل فائنل کے لئے لاہور آنے والے کھلاڑیوں کو اضافی معاوضہ دیا جائے گا ۔ ذرائع کا دعوی ہے کہ پاکستان میں پی ایس ایل کافائنل کھیلنے کیلئے برینڈن میکولم،ڈیرن براوو،کیمرون ڈیلپورٹ ،ڈیرن سمی ،این مورگن،کرس جا ر ڈ ن ، ایلکس ہیلز،سنگاکارا،جے و ر د ھنے ، آندرے رسل،سیموئیل بدری لاہور میں کھیلنے پر راضی ہیں ۔پروگرام کے مطابق غیر ملکی کھلاڑی 4اور 5 مارچ کی درمیانی شب لاہور پہنچیں گے جہاں وہ نیشنل کر کٹ اکیڈمی میں قیام کریں گے ۔پی سی بی اور پی ایس ایل انتظامیہ کی جانب سے کھلاڑیوں کو فول پروف سیکیورٹی کی یقین دہانی کر ائی گئی ہے ۔