لاہور( سیاسی رپورٹر) وزیر اطلاعات پرویز رشید کے استعفیٰ کے بعد وفاقی دارلحکومت میں افواہوں کا طوفان آگیا، کہا جاتا ہے وزیر اطلاعات کے بعد ایک سیکرٹری اطلاعات کے اعلیٰ افسر اور ایک دوسرے محکمہ کے سیکرٹری کی بھی قربانی دی جائے۔ اس کے علاوہ یہ افواہ بھی عام ہے کہ وزیر اعظم ہاو¿س میں کام کرنے والا اس سرکاری عمارت سے منتقل کرکے کسی پرائیویٹ عمارت میں کام کرے گا، یہ خبر بھی عام ہے کہ عسکری اداروں کے پاس خبر لیک ہونے کے واقعہ کے بارے میں نہ صرف مکمل معلومات ہیں بلکہ بعض اہم شخصیات کے موبائل فون سے ” ڈان“ کے متعلقہ صحافی کے علاوہ بعض دیگر اہم صنعتکاروں اور کراچی کے ممتاز اداروں کے مالکان کے نام کئے جانے والی فون کالز کا ریکارڈ بھی موجود ہے، ان میں سے بعض کے حوالے سے یہ خبریں بھی چل رہی ہیں کہ آنے والے کچھ دنوں میں کچھ اہم لوگوں کو فارغ کردیا جائیگا۔
اسلام آباد (خصوصی رپورٹ) وفاقی وزیر ریلوے خواجہ سعد رفیق کو وفاقی وزیر اطلاعات کا قلمدان سونپے جانے کا امکان ہے۔ ذرائع کے مطابق پرویزرشید کو ہٹائے جانے کے بعد امکان ظاہر کیا جا رہا ہے کہ خواجہ سعد رفیق کو وزارت اطلاعات کا اضافی چارج دیا جائے گا۔
سعد رفیق‘ وزیراطلاعات

دبئی (آن لائن)سابق صدر جنرل پرویز مشرف نے کہا ہے کہ مارشل لاءکا کوئی امکا ن نہیں ،دھرنے پھر بے نتیجہ ختم ہوں گے،اگر تبدیلی نہ آئی تو اگلے وزیر اعظم بھی نواز شریف ہی ہونگے ۔نجی ٹی وی سے خصوصی گفتگو کرتے ہوئے پرویز مشرف کا کہنا تھا کہ فوج مارشل لانہیں لگائی گئی تاہم عدالتوں کو اپنا کردار ادا کرنا چاہئیے ۔ موجود ہ صورت حال کی ذمہ دار حکومت ہے جو بوکھلاہٹ کا شکار نظر آتی ہے ۔حکومت کو مستعفی ہو جانا چاہئیے۔پرویز مشرف نے ایک سوال کے جواب میں کہا کہ موجودہ حکومت ڈلیور کرنے میں ناکام ہو چکی ہے ۔انہوں نے کہاکہ عمران خان کے نوازشریف پر لگائے گئے الزامات درست ہیں جب تک عوام کو انصاف نہیں ملے گا لوگ اسی طرح سڑکوں پر نکلتے رہیں گے تاہم تحریک انصاف اور پاکستان عوامی تحریک نے پہلے بھی دھرنے دیے مگر کوئی نتیجہ نہیں نکلا اور اس بار بھی بے نتیجہ ہوں گے ۔