ذرائع کے مطابق گاؤں عطا محمد کھوسہ میں نامعلوم بیماری نمودار ہوئی جس سے ایک ہفتے میں چار معصوم جانیں ضائع ہوچکی ہیں،جب ایک خاندان کے دو بھائی کے انتقال کی خبریں بھی سامنے آئی ہیں۔

جاں بحق بچوں میں ارشاد علی، عرفان علی سولنگی شامل ہیں جن کے ورثا کا کہنا ہے کہ دنوں بھائیوں کی 24گھنٹوں کے اندر پراسرار بیماری سے موت ہوئی ہے۔

علاقہ مکینوں کا کہنا ہے کہ بچوں کا گلا خراب ہوتا ہے اور ایک ہی دن میں حالت بگڑ جاتی ہے، اب تک دیگر متاثرین میں صدام حسین اور سارا بی بی سولنگی بھی شامل ہیں۔

دوسری جانب محکمہ صحت کی ٹیم متاثرہ گاؤں میں پہنچ گئی جب کہ طبی ماہرین صورتِ حال کا جائزہ لے رہے ہیں۔

ایڈیشنل سیشن جج محمد عاشق نے ڈی آئی جی آپریشنز کو کارروائی کا حکم دے دیا، ایڈووکیٹ ثنا اللہ ہاشمین نے بتایا کہ عدالتی حکم کے باوجود ایس ایچ او ایف آئی آر نہیں کر رہا۔

وکیل کا کہنا تھا کہ ایس ایچ او نے پرچہ درج کرنے کی بجائے 157 کی کارروائی کر دی، سیشن عدالت میں اعلیٰ عدلیہ کے اس حوالے سے ججمنٹ بھی پیش کی گئی۔

عدالت نے پولیس رولز 155 کے تحت ایس ایچ او کے خلاف کارروائی کا حکم دے دیا۔

سی ٹی ڈی کے مطابق ڈی آئی خان کی شیخ یوسف خیمہ بستی سے خاتون خود کش حملہ آور کو گرفتار کیا گیا، مبینہ خود کش حملہ آور خاتون کا تعلق وزیر ستان سے ہے، گرفتار خو د کش حملہ آور فتنہ الخوارج شاہ ولی عرف طارق کوچی کی دست راست ہے۔

خودکش حملہ آور خاتون نے اعتراف کیا ہے کہ خارجی طارق کوچی سے تربیت حاصل کی ، خودکش حملے کیلئے سامان و ٹارگٹ خارجی کمانڈر عاصم نے فراہم کرنے تھے۔

سی ٹی ڈی کے مطابق گرفتار خاتون خود کش حملہ آور سے 30 بور پستول ، کارتوس، موبائل فونز، ٹیبلٹ اور حملے میں استعمال ہونے والا سامان برآمد ہوا۔

گرفتار خاتون کے موبائل فونز سے کالعدم تحریک سے رابطے اور خودکش حملے کیلئے رضامندی جیسی معلومات بھی حاصل ہوئی ہیں۔