واشنگٹن: سینٹکام نے عراق میں گر کر تباہ ہونے والے امریکی جہاز حادثے میں 4 ہلاکتوں کی تصدیق کردی۔
سینٹکام نے دعویٰ کیا ہے کہ جہازفرینڈلی یا دشمن کی کارروائی کا نشانہ نہیں بنا، فی الحال ریسکیوکاعمل جاری ہے۔
امریکی سینٹکام نے بتایا کہ واقعےمیں عملےکے6 میں سے 4 اہلکارہلاک ہوگئے۔
سینٹکام کی جانب سے جاری بیان میں کہا گیا ہےکہ امریکی ری فیولنگ طیارہ کے سی 135عراق کےمغربی علاقےمیں12مارچ کوگرا، واقعےکی وجوہات جاننےکے لیے تحقیقات جاری ہیں۔
امریکی میڈیا کے مطابق امریکی صدر ٹرمپ کی جی سیون ممالک کے رہنماؤں کے ساتھ ورچوئل میٹنگ ہوئی جس میں شریک 3 عہدیداروں نے امریکی میڈیا سےگفتگو کرتے ہوئے بتایا کہ صدر ٹرمپ نے جی 7 رہنماؤں کے اجلاس میں کہا کہ ایران ہتھیارڈالنےکے قریب ہے، ٹرمپ نےکہا ایران میں اب کوئی ایسا اعلیٰ عہدیدارباقی نہیں رہا جو ہتھیار ڈالنےکااعلان کرسکے۔
عہدیداروں کے مطابق ٹرمپ کا کہنا تھا کہ آبنائے ہرمزکی صورتحال بہترہورہی ہے،کمرشل جہازوں کو آپریشنزشروع کرنے چاہئیں، ٹرمپ نےکہا ہمیں یہ کام مکمل کرنا ہوگا تاکہ 5 سال بعد ایران کے ساتھ دوبارہ جنگ نہ ہو تاہم ٹرمپ نےجنگ کے خاتمے سے متعلق اپنے مقاصد اور ٹائم لائن پر واضح مؤقف نہیں دیا۔
امریکی میڈیا کے مطابق جی سیون رہنماؤں نے ٹرمپ پر ایران جنگ فوری ختم کرنے اور آبنائے ہرمز جلد محفوظ بنانے پربھی زور دیا۔
ایران میں یوم القدس کے موقع پر فلسطینی عوام سے اظہارِ یکجہتی کے لیے ریلیاں اور مظاہرے جاری ہیں، تہران سمیت کئی شہروں میں بڑی تعداد میں لوگ سڑکوں پر موجود ہیں۔
اسی دوران تہران کے مرکز میں واقع فردوسی اسکوائر اور انقلاب اسٹریٹ کے قریبی علاقوں میں شدید دھماکوں کی آواز سنی گئی، جہاں تہران یونیورسٹی کے قریب ریلی کے شرکاء کی بڑی تعداد موجود تھی۔
ایرانی سرکاری خبر رساں ادارے کی جانب سے شیئر کی گئی ویڈیو میں دیکھا جا سکتا ہے کہ ریلی کے دوران فضائی حملے کے بعد دھوئیں کے بادل اٹھتے دکھائی دے رہے ہیں جبکہ مظاہرین بے خوف ہو کر نعرے لگاتے ہوئے آگے بڑھ رہے ہیں۔
یہ واقعہ اس وقت پیش آیا جب کچھ دیر قبل اسرائیل کی جانب سے لوگوں کو علاقے سے دور رہنے کی وارننگ دی گئی تھی اور کہا گیا تھا کہ وہاں ممکنہ حملہ کیا جا سکتا ہے۔
ابتدائی اطلاعات کے مطابق فوری طور پر کسی جانی نقصان یا بڑے پیمانے پر نقصان کی خبر سامنے نہیں آئی۔
ایرانی میڈیا کے مطابق تہران میں یوم القدس کے موقع پر نکالی جانے والی ریلی میں ایران کے قومی سلامتی ادارے کے سربراہ علی لاریجانی نے بھی شرکت کی۔
انہوں نے کہا کہ یہ حملے خوف اور مایوسی کے باعث کیے جا رہے ہیں، جو واقعی طاقتور ہو وہ مظاہرین پر بمباری نہیں کرتا، یہ واضح کرتا ہے کہ دشمن ناکام ہو چکا ہے۔
یوم القدس کے موقع پر ہونے والے اس مارچ میں دیگر اعلیٰ حکام بھی شریک ہوئے۔ سرکاری ٹی وی کی نشر کردہ تصاویر میں قومی پولیس کے سربراہ احمد رضا رادان کو بھی ریلی میں موجود دیکھا گیا۔
سوشل میڈیا اور مقامی میڈیا پر جاری دیگر ویڈیوز میں بھی ریلی کے شرکاء کو ایرانی اور فلسطینی پرچم لہراتے، فلسطین کے حق میں اور امریکا و اسرائیل مخالف نعرے لگاتے دیکھا جا سکتا ہے۔
واضح رہے کہ ایران سمیت دیگر مسلم ممالک میں ہر سال ماہ رمضان کے آخری جمعہ کو یوم القدس منایا جاتا ہے، ان مظاہروں میں اسرائیل مظالم کی مذمت، فلسطینی عوام سے اظہار یکجہتی اور اور بیت المقدس کی آزادی کا مطالبہ کیا جاتا ہے۔
راولپنڈی کے تھانہ مندرہ کے علاقے میں 30 سالہ حسنین ٹک ٹاک بناتے ہوئے چلتی ٹرین سے گر کر جاں بحق ہوگیا۔ متوفی کباڑ کا کام کرتا تھا۔
پولیس کے مطابق حسنین علی ٹرین پر پشاور سے لاہور جارہا تھا، گھر جانے سے قبل حسنین علی کا گھر پر رابطہ بھی ہوا جس میں اُس نے کہا تھا کہ وہ گھر آرہا ہے۔
متوفی کا تعلق شیخوپورہ سے تھا تاہم اسکے والدین لاہور میں مقیم ہیں، پولیس و امدادی اداروں نے جاں بحق شخص کی لاش اسپتال منتقل کردی۔
تہران: پاسدارانِ انقلاب نے سرکاری ٹی وی پر نشر بیان میں کہا کہ دشمن میدانِ جنگ میں مقاصد حاصل کرنے میں ناکام ہوگیا۔
ایرانی پاسداران انقلاب کا کہنا ہے دشمن اب خوف پھیلانےاورسڑکوں پر بےامنی پیدا کرنےکی کوشش کررہا ہے، دوبارہ بےامنی یااحتجاج ہواتو 8 جنوری سےزیادہ سخت جواب دیاجائےگا۔
سلام آباد
وفاقی وزیر توانائی اویس احمد خان لغاری نے
برطانوی خبر رساں ادارے رائٹرز کو دیے گئے ایک انٹرویو میں وزیر توانائی نے کہا کہ پاکستان میں مقامی ذرائع سے بجلی کی پیداوار میں اضافے کے باعث ایل این جی کی عالمی سپلائی میں ممکنہ رکاوٹوں کے اثرات اب پہلے کے مقابلے میں کم ہو گئے ہیں۔ اس وقت پاکستان میں تقریباً 74 فیصد بجلی مقامی ذرائع سے پیدا کی جا رہی ہے اور حکومت کا ہدف ہے کہ 2034 تک اس شرح کو 96 فیصد سے بھی زیادہ تک پہنچایا جائے۔
ان کا کہنا تھا کہ پاکستان میں سولر توانائی کے تیزی سے فروغ، جوہری توانائی، پن بجلی اور مقامی کوئلے سے بجلی پیدا کرنے کے منصوبوں نے ملک کو توانائی کے معاملے میں زیادہ خود کفیل بنانے میں اہم کردار ادا کیا ہے۔
وفاقی وزیر توانائی کے مطابق اس وقت پاکستان میں بجلی کی پیداوار کا تقریباً 10 فیصد حصہ ایل این جی پر مشتمل ہے، جو زیادہ تر شام کے اوقات میں بجلی کی طلب پوری کرنے اور گرڈ کو مستحکم رکھنے کے لیے استعمال ہوتی ہے۔
انہوں نے کہا کہ اگر بدترین صورتحال میں کئی ماہ تک ایل این جی کی فراہمی معطل بھی ہو جائے تو پاکستان میں گرمیوں کے دوران شام کے اوقات میں صرف ایک سے دو گھنٹے کی لوڈشیڈنگ ہو سکتی ہے تاہم اس کا زیادہ اثر صنعت اور زراعت پر نہیں پڑے گا۔
اویس لغاری کے مطابق پاکستان میں اس وقت بجلی پیدا کرنے کی صلاحیت طلب سے زیادہ ہو چکی ہے کیونکہ ملک میں کوئلہ، ایل این جی اور جوہری توانائی کے کئی منصوبے شامل کیے گئے ہیں، جبکہ چھتوں پر سولر پینلز کے استعمال میں بھی نمایاں اضافہ ہوا ہے جس سے دن کے اوقات میں گرڈ پر بوجھ کم ہو گیا ہے۔
انہوں نے بتایا کہ اس وقت پاکستان میں بجلی کی پیداوار کا تقریباً 55 فیصد حصہ صاف توانائی کے ذرائع سے حاصل کیا جا رہا ہے اور حکومت کا ہدف ہے کہ 2034 تک اسے 90 فیصد سے زیادہ تک بڑھایا جائے۔
وفاقی وزیر توانائی کے مطابق پاکستان میں پن بجلی سالانہ تقریباً 40 ٹیراواٹ گھنٹے بجلی پیدا کرتی ہے، جبکہ جوہری توانائی سے تقریباً 22 ٹیراواٹ گھنٹے اور مقامی کوئلے سے تقریباً 12 ٹیراواٹ گھنٹے بجلی حاصل کی جاتی ہے۔
ان کا مزید کہنا تھا کہ پاکستان میں گھروں کی چھتوں پر سولر سسٹمز کی مجموعی صلاحیت 20 گیگاواٹ سے تجاوز کر چکی ہے، جس کے باعث دن کے اوقات میں بجلی کی طلب میں نمایاں کمی آئی ہے۔ حکومت مستقبل میں توانائی کے منصوبوں میں مقامی اور صاف ذرائع پر مزید توجہ دے گی تاکہ توانائی کے شعبے میں بیرونی انحصار کم کیا جا سکے۔
جمعرات کی شب مخمور کے علاقے میں واقع پیشمرگہ بیس پر حملے میں متعدد فرانسیسی فوجی زخمی ہوئے تھے تاہم اب ایک فرانسیسی فوجی کی ہلاکت کی تصدیق ہوگئی۔ فرانسیسی صدر نے کہا کہ کردستان علاقے میں حملے میں کئی فرانسیسی فوجی زخمی بھی ہوئے۔
وفاقی وزیر بحری امور محمد جنید انوار چوہدری کا کہنا ہے کہ کراچی گیٹ وے ٹرمینل سے فجیرہ اور خورفکن کے لیے باقاعدہ شپنگ سروس شروع کردی گئی ہے، نئی فیڈر سروس ٹرانشپ کی جانب اہم پیش رفت ہے جس سے پاکستان کے درآمد اور برآمد کنندگان کو عالمی شپنگ نیٹ ورک تک بہتر رسائی ملے گی۔
اس پیشرفت سے کراچی پورٹ کے علاقائی بندرگاہوں سے رابطوں میں نمایاں اضافہ ہوگا، پہلا فیڈر شپ کراچی گیٹ وے ٹرمینل پہنچ چکا ہے، نئی سروس سے پاکستان کی سپلائی چین کو استحکام ملنے کی توقع ہے۔ اس ضمن میں کے جی ٹی ایل کے CEO خرم عزیز کی کاوشیں قابلِ تحسین ہیں۔
اس موقع پر چیئرمین کے پی ٹی ریئر ایڈمرل شاہد احمد نے کہا کہ متحدہ عرب امارات کے جدید لاجسٹک نیٹ ورک سے پاکستانی تجارت کو فائدہ ہوگا۔
برطانوی جریدے کے مطابق ایران جنگ کے بعد روسی تیل کی مانگ میں اضافہ ہو گیا ہے اور بھارت اور چین بڑی خریدار منڈیاں بن گئی ہیں۔
برطانوی جریدے نے بتایا کہ مشرقِ وسطیٰ میں جنگی صورت حال اور آبنائے ہرمز بند ہونے کی وجہ سے روس کو تیل سے یومیہ 150 ملین ڈالر اضافی آمدن ہورہی ہے۔
برطانوی جرید کے مطابق تیل برآمدات پر ٹیکس سے روس کو اب تک 1.3 سے 1.9 ارب ڈالر غیر متوقع فائدہ ہو رہا ہے، قیمتیں برقرار رہیں تو مارچ میں روس کو 3.3 سے 4.9 ارب ڈالر اضافی آمدن ہوسکتی ہے۔
برطانوی جریدے کا کہنا ہےکہ بھارت کی روسی تیل درآمدات 1.5 ملین بیرل یومیہ تک پہنچ گئیں اور ان میں ایک ماہ میں 50 فیصد اضافہ ہوا ہے۔
پی ٹی اے نے ٹیلی کام کمپنیوں کو موبائل پیکجز کی قیمتوں سے متعلق باظابطہ طور پر آگاہ کردیا ہے کہ موبائل پیکجز کی قیمتوں میں اضافہ اب صرف سہ ماہی بنیادوں پر کیا جا سکے گا۔
حکام نے بتایا کہ اس سے پہلے ٹیلی کام کمپنیاں ماہانہ بنیادوں پر پیکجز کی قیمتیں بڑھاتی تھی، کمپنیوں کو گزشتہ سال کی قیمت دیکھ کر پیکجز کی قیمت بڑھانے کی اجازت دی جائے گی،گزشتہ سال کی نسبت 10 سے 20 فیصد بڑھانے کی اجازت دی جاتی ہے۔
پی ٹی اے کو صارفین کی جانب سے شکایات آرہی تھی،جس پر ایکشن لیا گیا، پی ٹی اے نے موبائل ٹیرف ریگولیشنز 2025 نافذ کر دیے ہیں، منظم اور متوازن ٹیرف نظام کے پیش نظر پی ٹی اے نے یہ اقدام اٹھایا ہے۔
حکام کے مطابق ٹیلی کام کمپنیاں نئے پیکجز کے اجراء سے قبل پی ٹی اے سے پیشگی منظوری کی پابند ہیں، کمپنیوں کو موجودہ نرخوں میں اضافے سے قبل بھی پی ٹی اے نے منظوری لینا ضروری ہے۔
پی ٹی اے حکام نے واضح کیا کہ پی ٹی اے صارفین کے تحفظ کے ساتھ ٹیلی کام مارکیٹ کے استحکام پر بھی نظر رکھتا ہے، پاکستان میں اوسط ریونیو فی صارف خطے میں سب سے کم ہے، پچھلے کچھ سالوں میں ٹیلی کام کمپنیوں کا اوسط ریونیو فی صارف میں اضافہ ہوا ہے۔
انہوں نے یہ بھی بتایا کہ فائیو جی کی لانچنگ کے بعد اوسط ریونیو فی صارف مزید بہتر ہوگا، سپیکٹرم کی نیلامی سے ملک بھر میں کوریج، نیٹ ورک کارکردگی اور ڈیٹا اسپیڈ میں واضح بہتری متوقع ہے۔
