All posts by Khabrain News

اہم خبریں, شوبز

علاقہ مکینوں نے دروازہ توڑ کر کاسٹ کو مارا : علی حسین نے پورا واقعہ بیان کردیا

کراچی: (ویب ڈیسک) پروڈیوسر علی حسین کا کہنا ہے کہ جمشید کوارٹرز میں شوٹنگ کے دوران علاقہ مکینوں کے حملے پر اداکارہ گل رعنا، حرا مانی ،اداکارہ سلمیٰ ظفر اور مانی سمیت 3 چائلڈ اداکاروں نے خود کو کمرے میں بند کرلیا تھا لیکن حملہ آور وں نے کمرے کا دروازہ توڑ کر کاسٹ اور کریو ممبر کو تشدد کا نشانہ بنایا گیا۔
گزشتہ روز جمشید کوارٹر میں نجی ٹی وی کے ڈرامےکی شوٹنگ کے دوران جھگڑے کے بعد علاقہ مکینوں نے اداکاروں اور شوٹنگ اسٹاف پر حملہ کردیا تھا جس پر پولیس نے بتایا تھا کہ علاقہ مکین چاہتے تھے کہ ان کے علاقے میں شوٹنگ نہ کی جائے، ناخوشگوار واقعے کے دوران اداکار اوانسٹاگرام پر جاری بیان میں علی حسین نے کراچی میں فلم کی شوٹنگ کے دوران علاقہ مکینوں کے حملہ آور ہونے سے متعلق وضاحت دی اور بتایاکہ شوٹنگ کے دوران 100 حملہ آوروں نے ان کی ٹیم پر حملہ کیا جس کی ایف آئی آر بھی درج کی جاچکی ہے۔
علاقہ مکینوں نے دروازہ توڑ کر کاسٹ کو مارا : علی حسین نے پورا واقعہ بیان کردیا
علی حسین کے مطابق علاقہ مکینوں کے حملے کے وقت اداکارہ گل رعنا، اداکارہ حرا مانی ، اداکارہ سلمیٰ ظفر اور 3 چائلڈ ا نے خود کو کمرے میں بند کرلیا تھا لیکن کمرے کا دروازہ توڑ کر کاسٹ اور کریو ممبر کو تشدد کا نشانہ بنایا گیا اور سامان بھی توڑ دیا۔
علی حسین کے مطابق حملہ آور دروازہ توڑ کر روم میں داخل ہوگئے اور انھوں نے تشدد کرتے ہوئے کئی لوگوں کو زخمی کردیا، سیٹ پر موجود خواتین کو ہراساں کیا، بچوں کو بھی ڈرایا دھمکایا اس دوران 7 ممبر بری طرح زخمی ہوگئے جنہیں فوری طور پر طبی امداد دی گئی۔
دوسری جانب فلم ڈائریکٹر نبیل قریشی نے بھی واقعے پر شدید ردعمل کا اظہار کیا تھا اور ٹوئٹر پر جاری بیانات میں بتایا تھا کہ حملے کے وقت حرا مانی دروازے کےاندر سے ان لوگوں سے درخواست کررہی تھی لیکن انہوں نے نہیں سنا اور دروازہ توڑ دیا۔
علاقہ مکینوں نے دروازہ توڑ کر کاسٹ کو مارا : علی حسین نے پورا واقعہ بیان کردیا
ادھر انسٹا اسٹوری شیئر کرتے ہوئے حرا مانی نے کہا کہ یہ ایک بہت بُرا حادثہ تھا جس کا مشاہدہ کیا، دعا کرتی ہوں کہ زندگی میں کوئی بھی کبھی ایسے کسی واقعے سے نہ گزرے۔
علاقہ مکینوں نے دروازہ توڑ کر کاسٹ کو مارا : علی حسین نے پورا واقعہ بیان کردیا
مزید برآں چائلڈ اداکاروں کی جانب سے انسٹا اسٹوریز شیئر کرتے ہوئے واقعے پر اپنی رائے کا اظہار کیا گیا تھا۔

اہم خبریں, پاکستان

کل رات اہم شخصیت سے ملنے کا کہا گیا جس پر انکار کردیا: شیخ رشید

اسلام آباد: (ویب ڈیسک) سابق وزیر داخلہ شیخ رشید نے دعویٰ کیا ہےکہ رات انہیں ایک اہم شخصیت سے ملنے کا کہا گیا جس پر انہوں نے ملاقات سے انکار کردیا۔
اسلام آباد کی عدالت میں پیشی کے موقع پر میڈیا سے غیر رسمی گفتگو میں شیخ رشید نے کہا کہ پولیس والے میرے بھائی ہیں، میں 16بار وزیر رہا ہوں، یہ میری سیاسی ہمدردیاں بدلنا چاہتے ہیں لیکن میں اس عمر میں ہمدردیاں نہیں بدلوں گا۔
انہوں نے کہا کہ میں نے دونوں موبائل فونز کے پاس ورڈ پولیس کو دیدیے ہیں، میرے پیسے، موبائل اور گھڑیاں پولیس نے نکال لیں، مری پولیس نے گھنٹوں مجھ سے تفتیش کی ہے، تمام کام آبپارہ پولیس نےکیا، مری لسبیلہ اورکراچی پولیس معصوم ہے۔
سابق وزیر نے کہا کہ رات مجھے ایک اہم شخصیت سے ملنے کا کہہ رہے تھے لیکن میں نے انکار کردیا۔

اہم خبریں, سائنس و ٹیکنالوجی

واٹس ایپ بڑی تبدیلی کرنے کو تیار، اب ‘کالز’ شیڈول کرائی جاسکیں گی

لاہور: (ویب ڈیسک) واٹس ایپ پر اب جلد ہی ‘کالز’ اپنی مرضی کے وقت اور دن کو شیڈول کرائی جاسکیں گی جس کے لیے ایپلی کیشن نے تیاری شروع کردی۔
اس سے قبل واٹس ایپ نے اینڈرائیڈ اور آئی او ایس ڈیوائسز استعمال کرنے والے صارفین کے لیے اسٹیٹس سیکشن کے نئے فیچرز متعارف کرانے کا اعلان کیا تھا۔
اب واٹس ایپ بیٹا انفو نے اپنی رپورٹ میں بتایا ہے کہ ایپ نے گروپ کالز کو شیڈول کرانے کے فیچر پر کام شروع کردیا ہے جس سے ہوگا یہ کہ اب گروپ کے تمام ارکان کی رضامندی سے ایک وقت کا انتخاب کرکے کال شیڈول کرائی جاسکے گی۔
واٹس ایپ بیٹا انفو نے اس حوالے سے ایک اسکرین شاٹ بھی شیئر کیا ہے۔
اسکرین شاٹ میں دیکھا جاسکتا ہے کہ صارفین گروپ کال کا ٹائٹل، تاریخ اور وقت منتخب کرسکیں گے۔
یعنی جس موضوع پر کال کرنی ہوگی، اسے ٹائٹل میں لکھا جاسکے گا اور باہمی رضامندی سے وقت اور تاریخ کا بھی انتخاب کیا جاسکے گا۔
واٹس ایپ نے تاحال یہ اعلان نہیں کیا کہ یہ فیچر صارفین کے لیے کب متعارف کرایا جائے گا، امید ہے کہ آنے والے چند دن میں صارفین اس حوالے سے خوشخبری سنیں گے۔

انٹر نیشنل, اہم خبریں

ماسکو: سوویت یونین کے بانی کی لاش چرانےکی کوشش کرنیوالا شخص گرفتار

ماسکو : (ویب ڈیسک) روسی دارالحکومت ماسکو میں سابقہ سوویت یونین کے بانی سربراہ ولادیمیر لینن کی حنوط شدہ لاش چرانےکی کوشش کے الزام میں ایک شخص کو گرفتار کرلیا گیا۔
روسی میڈیا کے مطابق ایک شخص نے ماسکو کے معروف ریڈ اسکوائر پر واقع لینن کے مقبرے کی رکاوٹیں عبور کیں اور سخت سکیورٹی کے باوجود مقبرے کی عمارت میں داخل ہونے کی کوشش کی جسے موقع پر ہی گرفتار کرلیا گیا۔
روسی میڈیا کے مطابق ملزم لینن کی لاش چرانا چاہتا تھا، تفتیش پر معلوم ہواکہ اس نے شراب پی رکھی تھی اور نشےکی حالت میں تھا۔
خیال رہےکہ ولادیمیر لینن کارل مارکس کے بعدکمیونزم کے دوسرے بڑے نظریاتی رہنما سمجھے جاتے ہیں جو کہ سوویت یونین کے بانی سربراہ بھی تھے اور 1917 میں سوویت یونین کے آغاز سے اپنی وفات (1924) تک سوویت یونین کی سربراہی کرتے رہے۔
لینن کی لاش کو حنوط کرکے 1924 میں پہلی مرتبہ ماسکو کے ریڈ اسکوائر میں عوامی دیدار کے لیے رکھا گیا تھا، سوویت یونین کے زوال کے بعد اس معاملے پر بحث ہوتی رہی ہے کہ لینن کی لاش کو کانچ کے تابوت میں عوام کے سامنے رکھنے کے بجائے دفنا دیا جائے اور اس پر آنے والے اخراجات پر بھی تنقید ہوتی رہی ہے۔

اہم خبریں, سائنس و ٹیکنالوجی

گوگل کے مقابلے پر مائیکرو سافٹ کا اے آئی ٹیکنالوجی سے لیس سرچ انجن پیش

لاہور: (ویب ڈیسک) مائیکرو سافٹ نے اپنے سرچ انجن بنگ کا نیا ورژن متعارف کرایا ہے جس میں آرٹی فیشل انٹیلی جنس (اے آئی) ٹیکنالوجی سے لیس چیٹ جی پی ٹی کو شامل کیا گیا ہے۔
یہ مائیکرو سافٹ کی جانب سے برسوں سے انٹرنیٹ سرچ پر حکمران گوگل کو ٹکر دینے کی نئی کوشش ہے۔کمپنی کے مطابق بنگ سرچ انجن اب اے آئی ٹیکنالوجی سے لیس ہے اور اوپن اے آئی نامی کمپنی کے تیار کردہ چیٹ جی پی ٹی کی مدد سے سرچ رزلٹ صارفین دیکھ سکیں گے۔
بنگ میں ایک نئی چیٹ ونڈو کا اضافہ بھی کیا جا رہا ہے جو شاپنگ لسٹ، سفری مشورے اور دیگر تفصیلات کے حصول کے لیے استعمال کی جا سکے گی۔
اس اے آئی ٹیکنالوجی کو مائیکرو سافٹ کے ایج براؤزر کا بھی حصہ بنایا جا رہا ہے تاکہ صارفین پی ڈی ایف فائلز کی سمری بنانے کے ساتھ ساتھ مختلف کام کر سکیں۔
ایک ایونٹ کے دوران مائیکرو سافٹ کے سی ای او ستیہ ناڈیلا نے بتایا کہ ہم تمام ایپس میں اس ٹیکنالوجی کو شامل کرنے والے ہیں۔ صارفین بنگ سرچ انجن میں چیٹ جی بی کے پریویو کو bing.com/new میں دیکھ سکتے ہیں، مگر فی الحال استعمال کرنا ممکن نہیں۔
آنے والے ہفتوں میں مائیکرو سافٹ کی جانب سے کروڑوں افراد کو یہ ٹیکنالوجی آزمانے کا موقع فراہم کیا جائے گا جبکہ ایک موبائل ورژن بھی متعارف کرایا جائے گا۔
یہ انٹرنیٹ سرچنگ کے حوالے سے برسوں بعد بہت بڑی پیشرفت ہے۔
گوگل کی جانب سے بھی اسی طرح کے اے آئی ٹیکنالوجی سے لیس چیٹ بوٹ بارڈ کو متعارف کرانے پر کام کیا جا رہا ہے جس کا اعلان 6 فروری کو کیا گیا تھا۔

اہم خبریں, پاکستان

آئی ایم ایف مذاکرات،وفاقی ترقیاتی بجٹ میں کٹوتی کی تیاری

اسلام آباد: (ویب ڈیسک) پاکستان نے آئی ایم ایف کو راضی کرنے کے لیے نئی منصوبہ بندی کرلی۔
ذرائع کے مطابق حکومت کی جانب سے 727 ارب روپے کے وفاقی ترقیاتی بجٹ میں کٹوتی کی اسٹریٹیجی تیار کرلی گئی ہے اور ترقیاتی منصوبوں کیلئے فنڈز جاری کرنے میں سست روی برقرار رکھنے کا فیصلہ کیا گیا ہے۔
ذرائع کا کہنا ہےکہ ترقیاتی بجٹ میں 350 ارب تک کمی ہو سکتی ہے۔حکمت عملی کے تحت پہلے 6 ماہ میں صرف 151 ارب روپے خرچ کیے گئے۔
ذرائع کے مطابق ترقیاتی بجٹ میں کمی سے مختلف وزارتوں کے کئی منصوبے متاثر ہوسکتے ہیں۔ جن میں صحت، تعلیم، ہاؤسنگ، خوراک اور موسمیاتی تبدیلی سے متعلق منصوبے شامل ہیں۔
واضح رہے کہ اس سے قبل آئی ایم ایف بجلی اور گیس کے نرخ پچاس فیصد بڑھانے کامطالبہ کر چکا ہے۔ آئی ایم ایف کے مطالبات کے مطابق پاکستان کو تیس جون تک زرمبادلہ کے ذخائر1600ارب ڈالر تک لانا ہونگے۔
درآمدات پر پابندیاں فوری ختم کرنا ہونگی،ایل سیز کھولنے کیلئے 4ارب ڈالر کی فراہمی ممکن بنائی جائے گی،اخراجات میں 600ارب روپے کمی کابھی مطالبہ کیا گیا ہے۔

انٹر نیشنل, اہم خبریں

‘ دکھ بیان نہیں کرسکتا’، سب کو ہنسانے والے معروف ترک شیف پھوٹ پھوٹ کر رو دیے

دبئی : (ویب ڈیسک) دبئی میں مقیم ترکیہ کے شہرہ آفاق شیف کزن براک جو چہرے پر مسکراہٹ سجائے مزیدار کھانے بنانے کے لیے مشہور ہیں، ان کی ایک ویڈیو سامنے آئی ہے جس میں وہ ترکیے اور شام میں آئے زلزلے کی صورتحال بتاتے ہوئے آبدیدہ ہوگئے۔
براک کی جانب سے یہ ویڈیو ان کے فیس بک اور انسٹاگرام اکاؤنٹ پر شیئر کی گئی جس میں وہ ترک زبان میں متاثرہ علاقوں کا احوال بتارہے ہیں۔عرب میڈیا کی رپورٹ کے مطابق براک اپنی ویڈیو میں کہہ رہے ہیں کہ ‘ میں اپنا دکھ بیان کرنے سے قاصر ہوں، قدرتی آفت کے باعث میرے دکھ کی کوئی حد نہیں رہی، اللہ ان پر رحم کرے جو اس سے متاثر ہوئے، ہم جو کرنے کے اہل ہوئے، وہ کریں گے’۔
ترک شیف نے یہ بھی کہا کہ صورتحال کافی خراب ہے، جس کے بعد انہیں ویڈیو میں پھوٹ پھوٹ کر روتے ہوئے بھی دیکھا جاسکتا ہے۔
اس کے علاوہ انہوں نے سوشل میڈیا اکاؤنٹ پر ایک اور ویڈیو جاری کی جس میں دیکھا جاسکتا ہے کہ کھانے کے سامان کے ٹرک لوڈ کیے جارہے ہیں۔
کیپشن میں براک نے بتایا کہ وہ ہم مختلف صوبوں میں کھانے کے سامان کے ٹرک پہنچا رہے ہیں۔
واضح رہے کہ رواں ہفتے کے آغاز پر پیر کی صبح ترکیہ سمیت شام کے کئی شہروں میں 7.8 شدت کا خوفناک زلزلہ آیا جس نے ہزاروں لوگوں کی زندگیاں اجاڑ دیں۔
اب تک اس زلزلہ میں ہلاک ہونے والوں کی تعداد 8000 ہو چکی ہے۔

اہم خبریں, پاکستان

کراچی میں نئے سال کے پہلے ماہ بھی چور ڈاکوؤں کا راج

کراچی : (ویب ڈیسک) کراچی والوں کے لیے نئے سال کا آغاز بھی اچھا نہ ہوا جہاں پہلے ماہ بھی شہری چور اور ڈکیتیوں کے نرغے میں رہے۔
سیٹیزن پولیس لائژن کمیٹی (سی پی ایل سی) نے سال کے پہلے مہینے کے اعداد و شمار جاری کر دیے جس کے مطابق کراچی میں جنوری 2023 میں مجموعی طور پر 7ہزار 249 وارداتیں رپورٹ ہوئیں۔رپورٹ کے مطابق جنوری میں شہریوں کی 227 گاڑیاں چوری اور چھین لی گئیں جب کہ پہلے مہینے میں شہریوں سے 420 موٹر سائیکل اسلحے کے زور پر چھینی گئیں اور 4 ہزار223 موٹر سائیکل چوری کی گئیں۔
رپورٹ میں بتایا گیا ہےکہ جنوری میں شہریوں سے 2ہزار 379 موبائل فون بھی اسلحے کے زورپرچھینے گئے۔
سی پی ایل سی کی رپورٹ کے مطابق گزشتہ سال جنوری میں 400 گاڑیاں،4ہزار 327 موٹر سائیکلیں چوری اور چھینی گئی تھیں اور 2ہزار 499 شہریوں کو ان کے موبائل فونز سے محروم کردیا گیا تھا۔

اہم خبریں, پاکستان

خاتون پولیس افسر نے کراچی کے اسسٹنٹ کمشنر سے اسکن کیئر روٹین پوچھ لی

اسلام آباد: (ویب ڈیسک) اسلام آباد پولیس کی خاتون ایس پی آمنہ بیگ نےکراچی کے اسسٹنٹ کمشنر ہاظم بنگوار سے متاثر ہوکر ان کی اسکن کیئر روٹین پوچھ لی۔
خاتون پولیس افسر نے ٹوئٹر پر اسسٹنٹ کمشنر ہاظم بنگوار سے سوال پوچھا کہ اپنی جلد کی دیکھ بھال کا طریقہ کار بتائیں۔
آمنہ بیگ کے سوال پر ہاظم بنگوار بھی جواب دیے بغیر نہ رہ سکے اور ٹوئٹر پر ہی دلچسپ جواب دیتے ہوئے لکھا یہ ایک واحد راز ہے جو میں نے رکھا ہوا ہے۔
آمنہ بیگ کی ٹوئٹ پر سوشل میڈیا صارفین بھی دلچسپ تبصرے کررہے ہیں جس میں مونا خان نامی صارف نے اپنے خیالات کا اظہار کرتے ہوئے کہا کہ واقعی مجھے بھی یہ جاننے کا تجسس ہے۔
واضح رہے کہ ہاظم بنگوار اپنے اسٹائل، فیشن اور گلوکاری سے سوشل میڈيا پر خاصے مقبول ہیں۔

اہم خبریں, پاکستان

صدر مملکت نے صوبائی اسمبلیوں میں الیکشن کیلئے چیف الیکشن کمشنر کو خط لکھ دیا

اسلام آباد: (ویب ڈیسک) صدر مملکت عارف علوی نے پنجاب اور خیبرپختونخوا اسمبلیوں کے الیکشن کی تاریخ کے لیے چیف الیکشن کمشنر کو خط لکھ دیا۔
صدر مملکت کی جانب سے لکھےگئے خط میں کہا گیا ہےکہ انتخابات کی تاریخ کافوری اعلان کریں، آئین تاخیر کی اجازت نہیں دیتا۔
صدر مملکت کا کہنا ہےکہ الیکشن کمیشن، الیکشن ایکٹ 2017 کے مطابق صوبائی اسمبلیوں کے انتخابات کی تاریخ کا فوری اعلان کرے، الیکشن کمیشن پنجاب اور خیبرپختونخوا کی صوبائی اسمبلیوں کے لیے انتخابی شیڈول جاری کرے۔صدرمملکت کی جانب سے خط میں کہا گیا ہےکہ الیکشن کی تاریخ کے اعلان سے صوبائی اور عام انتخابات سے متعلق قیاس آرائیوں کو ختم کیا جاسکےگا۔
خط میں صدر مملکت نے پنجاب اور خیبر پختونخوا کی صوبائی اسمبلیوں کی تحلیل کا حوالہ دیتے ہوئےکہا ہےکہ آئین کا آرٹیکل 224 دو اسمبلیاں توڑنے کے 90 دن کے اندر الیکشن کرانے پر زور دیتا ہے۔
صدر مملکت کا کہنا ہےکہ آئین کے مطابق انتخابات کا انعقاد الیکشن کمیشن کا بنیادی اور لازمی فرض ہے، آئین کا آرٹیکل 218 (3) الیکشن کمیشن کو شفاف اور آزادانہ انتخابات کے انعقاد کو یقینی بنانےکا فرض تفویض کرتا ہے، فرائض کی ادائیگی میں ناکامی کی صورت میں الیکشن کمیشن ہی کو آئین کی خلاف ورزی کا ذمہ دار ٹھہرایا جائےگا۔