نئی دہلی(خبریں ڈیجیٹل) بھارت میں بارش نے بڑے پیمانے پر تباہی مچادی، سیلابی ریلے میں دو فوجی بھی بہہ گئے جب کہ مجموعی طور پر 12 افراد ہلاک اور 10 کے قریب لاپتا ہیں۔
بھارتی میڈیا کے مطابق شمالی علاقوں میں گزشتہ دو دنوں سے شدید بارشوں کا سلسلہ جاری ہے۔ جس میں بڑے پیمانے پر جانی اور مالی نقصان ہوا۔
ڈبلن(خبریں ڈیجیٹل) برطانیہ میں ایک نئے ہوٹل کی کھدائی کے دوران 100 انسانی ڈھانچے برآمد ہوئے جنھیں مبینہ طور پر 12 ویں صدی میں قتل کرنے کے بعد اجتماعی طور پر دفن کیا گیا تھا۔
برطانوی میڈیا کے مطابق ڈبلن شہر میں ایک چونکا دینے والے واقعے میں ہوٹل کی کھدائی کے دوران ہزار سال قبل اجتماعی طور پر دفن کیے گئے 100 انسانوں کی باقیات ملی ہیں۔ یہ وہی مقام ہے جہاں کبھی 12 ویں صدی کا سینٹ میریز ایبی موجود تھا۔
دریافت ہونے والی قبروں میں سے ایک میں کاربن ڈیٹنگ ہے جو 100 سال پرانی ہے، جس سے یہ ثابت ہوتا ہے کہ سینٹ میریز ایبی کی تعمیر سے پہلے بھی اس علاقے میں عیسائی آبادی موجود تھی۔ اس مقام پر آثار قدیمہ کے کام کے دوران 1600 کی دہائی سے عمارت کی بنیادیں بھی دریافت ہوئیں، جس میں 19 ویں صدی کے آخر میں ڈبلن کی سب سے بڑی بیکری Boland’s Bakery واقع تھی۔
اسلام آباد: (خبریں ڈیجیٹل ) وزیراعظم شہباز شریف نے آرمی چیف جنرل عاصم منیر پر قاتلانہ حملے کی سوشل میڈیا پر مہم چلانے کی شدید مذمت کی ہے۔
اپنے ایک بیان میں وزیراعظم شہباز شریف نے کہا کہ 9 مئی کے یوم سیاہ کیلئے بھی ایسے ہی ذہن سازی کی گئی تھی، 9 مئی کے منصوبہ ساز، سہولت کار اور ہینڈلرز کو دوٹوک پیغام ہے کہ پاکستان اور اس کے اداروں کے خلاف ہر سازش کچل دیں گے۔
انہوں نے کہا کہ آرمی چیف اور فوج کے خلاف گھٹیا، مذموم اور شر انگیز میڈیا مہم شیطانی ذہن کی منصوبہ بندی کا نتیجہ ہے، سازشی ذہن اور عناصر ملک میں سیاسی و معاشی استحکام کے خلاف پھر سے سرگرم عمل ہیں، شہداء کے خلاف غلیظ میڈیا مہم چلانے والوں کی نئی میڈیا مہم ایک ہی منصوبے کی کڑی ہے۔
وزیراعظم نے متعلقہ اداروں کو میڈیا مہم چلانے والوں کے خلاف اندرون و بیرون ملک قانونی اقدامات کی ہدایت کرتے ہوئے کہا کہ فوج اور اس کے سربراہ کے خلاف میڈیا مہم آزادی اظہار کے زمرے میں نہیں آتا، یہ صرف سازش ہے جسے پوری قوت سے روکنا قانونی فرض ہے۔
شہباز شریف کا مزید کہنا تھا کہ قوم اس گھناؤنی سازش کو بھی اسی طرح ناکام بنائے گی جس طرح 9 مئی کو ملک میں خانہ جنگی کی سازش ناکام بنائی تھی، مایوس عناصر کو بوکھلاہٹ اور مایوسی میں ملک میں نیا بحران پیدا نہیں کرنے دیں گے، ان شاءاللہ قوم اپنی فوج اور اس کے سربراہ کے ساتھ کھڑی ہے۔
ممبئی(خبریں ڈیجیٹل) بالی وڈ کی نامور اداکارہ سمانتھا رتھ پربھو نے شوبز کیریئر سے وقفہ لینے کا فیصلہ کیا ہے۔
بھارتی میڈیا ذرائع نے دعویٰ کیا ہے کہ اداکارہ اپنی فلموں ’سائیٹڈل‘ اور ’کشی‘ کے بعد کسی بالی وڈ، تامل اور تیلگو فلمی پروجیکٹ کے معاہدے کیلئے تیار نہیں ہیں۔
ذرائع کے مطابق اداکارہ نے نئے پروجیکٹس کے پروڈیوسروں کو ان کے وہ معاوضے بھی واپس کردیئے ہیں جو وہ پہلے ہی وصول کرچکی تھیں۔
بھارتی اداکارہ سمانتھا رتھ پربھو اپنے شوبز کیریئر سے ایک برس کا وقفہ لیں گی اور وہ اس وقت میں اپنی صحت کی بحالی پر توجہ دیں گی۔
اداکارہ کے قریبی ذرائع نے بتایا ہے کہ وہ اس وقت اپنی فلم ’کشی‘ کی شوٹنگ میں مصروف ہیں جس سے دو تین دن میں فارغ ہوجائیں گی جبکہ ’سائیٹیڈل‘ کی شوٹنگ تقریباً ختم ہوچکی ہے۔
2022 میں سمانتھا نے مداحوں کو خبر دی تھی کہ ان کو ایک اعصابی بیماری کی تشخیص ہوئی ہے اور جس نے ان پر سخت اثر ڈالا ہے۔
نیویارک(خبریں ڈیجیٹل) ہالی ووڈ کے عالمی شہرت یافتہ اداکار ٹام کروز نے اپنی آنے والی نئی فلم مشن امپوسیبل 7 ڈیڈ ریکننگ پارٹ ون کی شوٹنگ کے مناظر پر مشتمل ویڈیو شیئر کردی۔
ٹام کروز کی جانب سے سوشل میڈیا پر شیئر کی گئی اس ویڈیو میں ان کی فلم کے دل دہلا دینے والے مناظر دکھائے گئے ہیں جس کے تمام ایکشن اسٹنٹس ٹام کروز نے خود کیے ہیں۔
ویڈیو میں دیکھا جاسکتا ہے کہ وہ فلم میں ویلن کے ساتھ برق رفتار ٹرین کی چھت پر لڑائی کر رہے ہیں جبکہ راستے میں آنے والے ٹرین کے ایک پُل کو بم سے اُڑا دیا جاتا ہے جس کی وجہ سے ٹرین کھائی میں گر کر تباہ ہوجاتی ہے۔
کراچی(خبریں ڈیجیٹل) پاکستان شوبز کی خوبرو اداکارہ مریم انصاری اور سابق کرکٹ کپتان معین خان کے بیٹے اویس خان کے ہاں بیٹی کی پیدائش ہوئی ہے۔
اویس خان نے فوٹو اینڈ ویڈیو شیئرنگ پلیٹ فارم انسٹاگرام پر اسٹوری شیئر کرتے ہوئے مداحوں کو یہ خبر دی ہے کہ ان کے ہاں ننھی پری نے جنم لیا ہے۔
مریم انصاری کی بیٹی کی پیدائش بروز منگل 4 جولائی 2023 کو ہوئی جس کا نام عمایا خان رکھا گیا ہے تاہم انہوں نے اب یہ خوشخبری مداحوں کو سُنائی ہے۔
لاہور(خبریں ڈیجیٹل ) پی سی بی مینجمنٹ کمیٹی کے سربراہ ذکا اشرف نے سابق کپتان محمد حفیظ کو کرکٹ کی بہتری کیلئے ساتھ کام کرنے کی پیشکش کردی۔
ذرائع کے مطابق سابق کپتان محمد حفیظ کو ایڈوائزر، چیف سلیکٹر یا پھر نیشنل کرکٹ اکیڈمی میں ذمہ داری نبھانے کی پیشکش کی گئی ہے جس پر آل راؤنڈر نے آمادگی کے اظہار کے ساتھ اہل خانہ اور دوستوں سے مشاورت کے لیے وقت مانگا ہے۔
برازیل (خبریں ڈیجیٹل)برازیل کے اسٹار فٹبالر نیمار جونئیر پر گھر کی غیر قانونی تعمیر پر 3.3 ملین ڈالر جرمانہ عائد کردیا گیا۔
غیر ملکی خبررساں ایجنسی کی رپورٹس کے مطابق ریوڈی جنیرو کے قریب اپنی حویلی میں غیر قانونی جھیل تعمیر کرنے پر 3.3 ملین ڈالر (91 کروڑ 41 لاکھ) جرمانہ عائد کیا گیا ہے۔
لاہور(خبریں ڈیجیٹل ) پاکستان کرکٹ بورڈ (پی سی بی) نے قومی کرکٹ ٹیم کے کھلاڑیوں کو حارث رؤف کے ولیمے میں شرکت سے روک دیا۔
ترجمان پاکستان کرکٹ بورڈ (پی سی بی) کے مطابق قومی ٹیم کے کھلاڑیوں کو کل رات کولمبو کے لیے روانہ ہونا جبکہ موسم کی خرابی کے باعث کھلاڑیوں اسلام آباد جانے سے روک دیا ہے۔
لاہور(خبریں ڈیجیٹل )آئی سی سی ورلڈکپ کوالیفائرز میں نیدر لینڈز کی اسکاٹ لینڈ کے خلاف کامیابی کے ساتھ ہی میگا ایونٹ میں شریک 10 ٹیموں کی لائن اَپ مکمل ہوگئی۔
بھارت میں شیڈول آئی سی سی ورلڈکپ 2023 کیلئے میزبان بھارت کے علاوہ پاکستان، آسٹریلیا، نیوزی لینڈ، انگلینڈ، افغانستان، بنگلہ دیش، جنوبی افریقہ، سری لنکا اور نیدر لینڈز کی ٹیمیں ایک دوسرے کے مدمقابل آئیں گی۔
ٹورنامنٹ کا باقاعدہ آغاز 5 اکتوبر سے ہوگا جبکہ پاکستان ورلڈکپ میں اپنے سفر کا آغاز 6 اکتوبر کو حیدر آباد میں نیدر لینڈز کے خلاف میچ سے کرے گا۔
