کراچی: (ویب ڈیسک) سندھ کے وزیرتوانائی امتیاز احمد شیخ نے کہا ہے کہ پی ٹی آئی کا مارچ مہنگائی بیروزگاری اور غربت کی حمایت میں نکالا جا رہا ہے، سندھ کی عوام نے پی ٹی آئی کے ڈگڈگی مارچ کو مسترد کر دیا۔
امتیاز شیخ کا شکارپور میں پی ٹی آئی رہنماؤں کے خطاب پر ردعمل میں کہنا تھا کہ ڈگڈگی مارچ کے مداریوں کے چہرے ابھی سے اترے ہوئے ہیں۔ پی ٹی آئی مارچ میں شامل مرید اپنے مرشد کا دیدار کرنے کے لئے آئے ہیں، سندھ کی عوام کی حمایت اور ووٹ ھمیشہ سے پاکستان پیپلز پارٹی کا ہے۔
انہوں نے کہا کہ سندھ کے لوگ ان سے آٹا چوری، چینی چوری ، این ایف سی ایوارڈ کے علاوہ ادویات چوری اور یوریا چوری کا حساب مانگ رہے ہیں۔

لاہور: (ویب ڈیسک)لاہور کے علاقے چوہنگ میں 4 ملزمان نے گھر میں گھس کر وکیل اور اس کی بیوی کو تیز دھار آلے سےذبح کر ڈالا، سفاک ملزموں نے اڑھائی ماہ کی بچی کو بھی معاف نہ کیا اور گلا دبا کر اس کی سانسیں بھی بند کر دیں۔
لاہو کے علاقے چوہنگ میں صبح 8 بجے کےقریب 4 ملزمان گاڑی پر آئے ۔ قاتلوں نے مٹھائی دینے کے بہانے گھر والوں سے دروازہ کھلوایا اور زبردستی اندر داخل ہو گئے۔ سفاک ملزموں نے گھر کے سربراہ 31 سالہ وکیل امانت علی اور اس کی بیوی کے ہاتھ پاؤں زبردستی باندھے اور گلے کاٹ دئیے۔
ملزموں کی آنکھوں میں ایسا خون اترا تھا کہ اڑھائی ماہ کی بچی کو بھی معاف نہ کیا اور گلا دبا کر اس کی سانسیں بھی بند کر دیں۔ تہرے قتل کی واردات کے بعد علاقے میں خو ف و ہراس پھیل گیا۔
پولیس اور فرانزک ٹیموں نے جائے وقوعہ سے شواہد اکٹھے کر لئے ہیں۔ گھر کے باہر لگے سی سی ٹی وی کیمروں کی فوٹیج بھی پولیس کے ہاتھ لگ گئی ہے۔
وزیر اعلیٰ پنجاب نے واقعہ کا نوٹس لیا جبکہ آئی جی نے سی سی پی او کو ملزموں کی جلد گرفتاری کا حکم دیا۔ پولیس نے شک کی بنا پر مقتول کے بھائی امین ، اس کے بیٹے اور کزن بابر عرف بابری کو حراست میں لے لیا ہے۔
امین اس سے پہلے اپنے والد کو موت کے گھاٹ اتار چکا ہے جبکہ بابر عرف بابری اغوا برائے تاوان کی وارداتوں میں ملوث رہا ہے۔ ذرائع کے مطابق مقتول امانت علی کی ڈیڑھ سال قبل شادی ہوئی تھی اور وہ 45 کروڑ روپے کے لگ بھگ پراپرٹی کا مالک تھا۔ ابتدائی تفتیش کے بعد پولیس تہرے قتل کی واردات کو پراپرٹی کے تنازع کا شاخسانہ قرار دے رہی ہے۔

اسلام آباد: (ویب ڈیسک) وفاقی وزیر داخلہ شیخ رشید نے کہا ہے کہ لانگ مارچ میں حکومت کوئی رکاوٹ نہیں ڈالے گی، مکمل سکیورٹی فراہم کریں گے۔
اسلام آؓباد میں پریس کانفرنس سے خطاب کرتے ہوئے شیخ رشید احمد کا کہنا تھا کہ بلاول اسلام آباد آ رہے ہیں، کتنے لوگ آپ کےساتھ ہیں۔ اپوزیشن والے پہلے ایک دوسرے کی شکل دیکھنے کو تیار نہیں تھے، اب سارے مفاد پرست اکٹھے ہو گئے ہیں۔ اپوزیشن کیلئے فیصلہ کرنا مشکل ہو گیا کہ بندر بانٹ کیسے ہونی ہے۔
انہوں نے کہا کہ ہمیں اپنے اتحادیوں پراعتماد اورفخر ہے، اللہ تعالیٰ سے دعا ہے کہ جہانگیر ترین صحت یاب ہو جائیں۔ عمران خان اپوزیشن پر سیاسی سائبر اٹیک کرے گا۔