کراچی: (ویب ڈیسک) کراچی کے علاقے بلدیہ اتحاد ٹاؤن میں عمارت گر گئی، حادثے کے نتیجے میں ماں بیٹی جاں بحق جبکہ 3 افراد زخمی ہو گئے۔
کراچی کے علاقے بلدیہ اتحاد ٹاؤن سیکٹر سترہ بی میں دو منزلہ مکان گر گیا۔ جاں بحق ہونے والوں میں عذرا اور زویا شامل ہیں جبکہ زخمیوں میں ضیاء الرحمان ،شاہد اور زینب شامل ہیں جنہیں ہسپتال منتقل کردیا گیا ہے۔
پولیس حکام کے مطابق عمارت گرنے کے حوالے سے مزید تفتیش کا جارہی ہے۔

کراچی: (ویب ڈیسک) سندھ کے وزیراطلاعات شرجیل میمن نے الیکشن کمیشن میں غلط بیان حلفی پر عمران خان کو نااہل قرار دینے کا مطالبہ کردیا۔ کہتے ہیں چئیرمین پی ٹی آئی نے قوم سے دھوکا کیا مگر انہیں صادق اور امین کے جھوٹے سرٹیفکیٹ دیئے گئے۔
صوبائی وزیراطلاعات کا کہنا ہے کہ عمران نیازی کے دباؤ کے باوجود الیکشن کمیشن نے کسی خوف کے بغیر آئین کے مطابق فیصلہ دیا۔ اسے خراج تحسین پیش کرتے ہیں۔
صوبائی وزیر سید ناصر شاہ نے بھی فیصلے پر تبصرہ کرتے ہوئے کہا کہ بظاہر امریکا مخالف عمران نیازی امریکا کی فنڈنگ پر سیاست کرتا رہا۔ ناصر شاہ نے کہا کہ پی ٹی آئی کی پوری سیاست جھوٹ اور جھوٹے بیانات پر محیط ہے۔

اسلام آباد: (ویب ڈیسک) مسلم لیگ ن نے فارن فنڈنگ کیس میں الیکشن کمیشن کے فیصلے کو عمران خان کے خلاف جرائم کی تصدیق قرار دے دیا۔ مریم اورنگزیب کہتی ہیں کہ 13 غیر قانونی بینک اکاؤنٹس عمران خان خود چلاتا رہا اور انہیں الیکشن کمشن سے چھپاتا رہا۔ عالمی فراڈ یوں سے خیرات کے نام پر پیسے بٹورے اور جعلسازی کی۔
وفاقی وزیراطلاعات مریم اورنگزیب نے ایک بیان میں کہا ہے کہ چور، جھوٹا فارن فنڈنگ منی لانڈرر آخر آٹھ سال بعد پکڑا گیا۔ عمران خان صادق اور امین نہیں، پارٹی چئیرمن کے عہدے سے فوری استعفی دیں، عمران خان پاکستان کے خلاف غیر ملکی سازشی منصوبہ تھا اور ہے ،عمران خان جھوٹا اور جعلساز ہے، الیکشن کمشن نے مہر لگا دی ہے۔
مریم اورنگزیب نے کہا کہ عمران خان نے اسرائیل، بھارت، امریکہ، کینیڈا سمیت دیگر ملکوں سے فارن فنڈنگ لی، عمران خان نے غیرقانونی فنڈنگ سے پاکستان میں فتنہ برپا کیا، عمران خان نے جانتے بوجھتے 351 غیرملکی کمپنیوں اور 34 بیرون ممالک سے فارن فنڈنگ لی۔ عمران خان نے جعلی اور جھوٹے بیان حلفی جمع کرائے۔
مریم اورنگزیب نے کہا کہ جان بوجھ کر اپنے چار ملازمین طاہر اقبال ، محمد نعمان افضل ، محمد ارشد محمد رفیق کے نام پر پیسے منگوائے۔ چوروں اور منی لانڈرز نے 9 وکیل بدلے، 50 الیکشن کمیشن سے بھاگے اور 9 دفعہ کیس کو روکنے کی پیٹیشن کیں۔
مریم اورنگزیب کا کہنا تھا کہ عمران خان عالمی منی لانڈرر ثابت ہو چکا ہے۔ وفاقی حکومت قانون کے مطابق الیکشن کمیشن کے فیصلے پر عمل درآمد کرے گی۔ عمران خان اس چوری کی وجہ سے الیکشن کمیشن پہ پر حملے کر رہا ہے۔

اسلام آباد: (ویب ڈیسک) وزیر پیٹرولیم مصدق ملک نے کہا ہے کہ موجودہ تاریخ میں دو بڑے معاشی اسکینڈلز ہوئے۔ ڈھائی سو ملین ڈالر ملک ریاض کو سائن کر کے گفٹ کر دیا گیا۔
وزیر پیٹرولیم مصدق ملک نے پریس کانفرنس کرتے ہوئے کہا کہ پاکستان تحریک انصاف (پی ٹی آئی) ممنوعہ فنڈ سے متعلق الیکشن کمیشن کا فیصلہ خوش آئند ہے۔
انہوں نے کہا کہ پاکستان میں ایجنٹ کون ہے؟ قانون کے مطابق کسی فارن کمپنی اور فارنر سے پیسہ نہیں لے سکتے جبکہ وہ شخص جس نے 350 غیر ملکی کمپنیوں سے پیسے لیے وہ امپورٹڈ ہے یا ہم ؟ 350 غیر ملکی کمپنیوں سے پیسہ لے کر ملک میں سیاست کرنے والا امپورٹڈ نہیں۔
مصدق ملک نے الزام عائد کرتے ہوئے کہا کہ موجودہ تاریخ میں دو بڑے معاشی اسکینڈلز ہوئے اور ڈھائی سو ملین ڈالر ملک ریاض کو سائن کر کے گفٹ کر دیا گیا۔ کراچی کے لوگوں کو سہولت دینے کے لیے پلانٹ لگنا تھا۔
انہوں نے کہا کہ عمران خان نے بیان حلفی بھی غلط دیا۔ کچھ اکاؤنٹس چھپائے گئے اور کچھ کو تسلیم ہی نہیں کیا گیا۔ صادق اور امین کون ہے؟ 5 سال تک انڈر اوتھ پارٹی کے کاغذ سائن کرتا رہا۔
وزیر پیٹرولیم نے کہا کہ جو اپنے بیٹے کی کمپنی سے پیسے لے سکتا تھا اس نے نہیں لیے، وہ صادق اور امین نہیں۔ جوتنخواہ لے سکتے تھے نہیں لی،