واشنگٹن: (ویب ڈیسک) امریکہ نے ایک بار پھر اپنے شہریوں کو متحدہ عرب امارات سفرنہ کرنے کی ہدایت کی ہے۔
محکمہ خارجہ کی طرف سے جاری ایڈوائزیری میں کہا گیا ہے کہ متحدہ عرب امارات پرڈرون اور میزائل حملہ ہو سکتا ہے، امریکی شہری امارات سفر سے گریز کریں۔
ابوظبی پرحملے کے بعد محکمہ خارجہ نے ٹریول ایڈوائزیری جاری کی تھی، جس میں امریکی شہریوں کو امارات نہ جانے کی ہدایت کی گئی تھی۔
یاد رہے چند روز قبل ابوظہبی پر حوثیوں نے ڈرون حملہ کیا تھا، ابوظہبی پولیس کے مطابق ڈرون حملے کے باعث صنعتی علاقےمیں ایندھن لے جانے والے 3 ٹینکرپھٹ گئے، جبکہ ابوظہبی انٹرنیشنل اایئرپورٹ پرتعمیراتی مقام پرآگ بھڑک اٹھی۔
سعودی اتحادی فوج کا کہنا تھا کہ صنعا ہوائی اڈے سے بارود سے بھرے ڈرونز کی ایک بڑی تعداد کو لانچ کیا گیا۔

واشنگٹن: (ویب ڈیسک) امریکا کے وفاقی دارالحکومت واشنگٹن ڈی سی کے ایک ہوٹل میں فائرنگ کے واقعے میں ایک خاتون ہلاک اور 4 زخمی ہوگئیں۔
پولیس کے مطابق رہائشی علاقے کے ہوٹل میں گولیوں کا نشانہ بننے والی 5 خواتین کو اسپتال منتقل کیا گیا تھا جن میں سے ایک خاتون اسپتال میں دوران علاج چل بسی۔
پولیس کا کہنا ہےکہ ابتدائی تحقیقات کے مطابق ہوٹل کےکمرے میں ہونے والی پارٹی کے دوران فائرنگ ہوئی، فائرنگ کےمقام کوپولیس نےگھیرلیا ہے اور تفتیش جاری ہے۔
پولیس کے مطابق فائرنگ کے واقعے میں ملوث کسی مشتبہ شخص کی شناخت ابھی نہیں ہوسکی ہے۔

پیرس: (ویب ڈیسک) روس اور یوکرین کے درمیان مذاکرات بے نتیجہ ختم ہوگئے۔
غیر ملکی میڈیا رپورٹس کے مطابق روس اور یوکرین کے درمیان مذاکرات بے نتیجہ ختم ہوگئے ، فریقین کسی حل پر متفق نہیں ہوسکے ، پیرس میں ہونے والی بات چیت میں فرانس اور جرمنی کے وفود بھی شریک تھے ۔
یوکرینی وزیر خارجہ کا کہنا ہے کہ ماسکو اپنی پراکسیز سے مذاکرات کرنے کا مطالبہ کررہا ہے جو کسی صورت منظور نہیں، یوکرین اپنے دفاع کے لئے ہر ممکن قدم اٹھائے گا، ماسکو کے ساتھ دو ہفتے بعد دوبارہ مذاکرات ہونگے۔
دوسری جانب امریکا نے آخر کار روس کے مطالبات کا تحریری جواب جمع کروا دیا، مگر ماسکونے اعتراض کیا ہے کہ اسکے مرکزی خدشات کو دور نہیں کیا گیا۔
روسی وزیر خارجہ سرگئی لاروف نے کہا کے واشنگٹن کے جواب سے مذاکرات جاری رکھنے کی امید پیدا ہوئی ہے، ماسکو نے یوکرین کی سرحد کے قریب روستوف نامی علاقے میں بھی جنگی مشقوں کا آغاز کردیا ہے۔
وائٹ ہاؤس ترجمان نے اعتراف کیا کہ جنگ کی صورت میں یورپ کو توانائی کے چیلنج کا سامنا کرنا پڑ سکتا ہے، جسکے لئے واشنگٹن مختلف ممالک اور کمپنیز سے بات کررہا ہے، یورپ کی توانائی کی ایک تہائی ضرورت روس پوری کرتا ہے۔

انقرہ: (ویب ڈیسک) عرب ممالک کے بعد ترکی کی بھی اسرائیل سے قربتیں بڑھنے لگیں، صیہونی صدر اگلے ماہ ترکی کا دورہ کریں گے ۔
مقامی ٹی وی کو انٹرویو دیتے ہوئے ترک صدر رجب طیب اردوان نے بتایا کہ اسرائیلی صدر آئزک ہرزوگ 15 فروری سے قبل انقرہ کا دورہ کریں گے۔
انہوں نے مزید کہا کہ دورے کے بعد ترکی اور اسرئیل کے تعلقات میں نیا باب کھلے گا، انقرہ تل ابیب کے ساتھ توانائی کے شعبے میں تعاون بڑھانا چاہتا ہے۔